د مێركاتۆیا هاڤینێ دا حەفت ملیار دۆلار هاتینە مەزاختن
فیدراسیۆنا تەپا پێی یا جیهانی فیفا راپۆرتەكا تەسەل ل سەر گرێبەستێن هاڤیتنا ئەڤ سالە یا یاریزانێن كوڕ و كچ بۆ یانێن جودا بەلاڤكرییە ئەوا دهێتە هژمارتن بۆ جارا ئێكێ د دیرۆكا مێركاتۆیا جیهانی كو 26.8 % ژ هژمارا خوە یا ئاسایی زێدەت بوویە.
ئیمیلیۆ گارسیا سێلفێرۆ سەرۆكێ كارۆبارێن یاسایی ل فیفایی دیار كر پشتی گرتنا دەرگەهێ ڤەگۆهاستنێن هاڤینا 2023ێ لیستا ئەو وەلاتێن زێدەتری پارە بۆ گرێبەستێن یاریزانان مەزاختی بڤی رەنگی بووینە، خولا ئنگلتەرایێ سەرێ لیستا ڤەگۆهاستنێن هاڤینێ یا 2023ێ وەرگرتییە كو ملیارەك و نەهـ سەد و هەشتێ هزار ملیۆن دۆلار د پرۆسێسا ڤەگۆهاستنێن یاریزانان دا ب رێژەیا 449 كرین و 514 فرۆتن، وەلاتێ سعۆدیێ ل رێزا دویێ دهێت ب كۆژمەیێ 875.4 ملیۆن دۆلاران، فرنسا ل رێزا سێیێ ب859.7 ملیۆن دۆلاران، ل رێزا چارێ ئەلمانیا ب 762.4 ملیۆن دۆلاران، ئیتالیا ب 711 ملیۆن دۆلاران و ئسپانیا ب405.6 ملیۆن دۆلاران رێزێن پێنجێ و شەشێ دهێن.
ژلایەكێ دووڤە خەریجیاتێن بۆ بریكارێن یاریزانان رێژەكا بلند ب خوەڤە گرتییە ژ سالێن بۆری كو گەهشتییە 696.6 ملیۆن دۆلاران كو رێژەیا وێ 36.9 % ژ خەریجیاتێن وەرزێ بۆری بلندتر بووینە.
