زیانڤێكەفتیێن لەهیان دێ هێنە قەرەبووكرن
دهۆك، لەزگین جۆقی:
پەیڤدارێ رێڤەبەریا بەڕەڤانیا باژێڕی ل پارێزگەها دهۆكێ دیار كر، ژ بەر بارینا بارانێ و دروستبوونا لەهیان ل دهۆكێ، ئاڤ چوویە د ناڤ هندەك مالان دا و دبێژیت: زیانڤێكەفتیێن لەهیان هەموو دێ هێنە قەرەبووكرن.
بێوار عەبدولعەزیز، پەیڤدارێ رێڤەبەریا بەڕەڤانیا باژێڕی ل پارێزگەها دهۆكێ گۆت: «تیمێن مە و هەمی لایەنێن پەیوەندیدار د ئامادەباشیێ دا بوون و نەهێلان چو روودانێن دلتەزین پەیداببن، ب تنێ زیانێن ماددی هەبووینە، ئاڤ چوویە د ناڤ نەهـ مالان دا، لێ زیان كێمبووینە و هەمی دێ هێنە تۆماركرن و قەرەبووكرن».
