د پەقینێن بەغدا دا دو وەلاتیێن کورد بۆنە قوربانی
ئەڤرۆ نیوز:
دو ژ وان کەسێن ل پەقینا ئەڤرۆ یا بەغدا ژیانا خۆ ژدەستداین وەلاتیێن کوردن و ئێک ئاکنجیێ دهۆکێ یه و ئێک ژی یێ هەولێرێ یە.
غازی حازم ئاکنجیێ کۆمەلگەها رزگارییە ل پارێزگەها دهوکێ، کارێ بازرگانیێ دکر و بو وێ مەرەمێ وی سەرەدانا بەغدا کرییە، ناڤهاتی ژ دایکبوویێ ١٩٧٤یە و دەمێ ٢٠ سالا یە بەرهەمێ خۆمالییێ کوردی بۆ باژێرێن ژێریا عێراقێ و ب تایبەتی بەغدا دبرن.
هەروەسا کەسەکێ دی یێ کورد کو ئاکنجیێ باژیری هەولێرێ یە ل پەقینێت ئەڤرۆ یێن بەغدا گیانێ خو ژ دەستدایە.
ئەڤرۆ پێنجشەمبێ، ل بەغدا یا پایتەختێ عێراقێ دو پەقین ل دەڤەرێن باب شێخ و گورەپانا تەیران روودان، وەزارەتا ساخلەمیا عێراقێ ژی گۆتییە، ژ ئەگەرێ وێ چەندێ ٣٢ کەسان ژیانا خۆ ژ دەستدایە و ١١٠ کەس ژی بریندار بووینە.
