د کەشەکێ ئارام دا ئەرمەنیان جەژنا خوە گێرا
ئەڤرۆ نیوز ، عەلی حاجی :
ئەڤرۆ ل روژا دوشەمبی ٦/١/٢٠٢٠ د کەشەکێ ئارام دا ئەرمەنێین زاخۆ جەژنا ژ دایک بوونا حەزرەتێ مەسیح ل دووف سالناما ئەرمەنیان دکەڤنترین کەنیسەیا عیراقێ دا ل زاخۆ گێران.
ئاڤاک ئیشخان ئێک ژ ئەرمەنیێن زاخۆیە بۆ ئەڤرۆ نیوز گوت : سالانە ل رێکەڤتی ٦/١/٢٠٢٠ ئەرمەنێن جیهانێ ل گورەی سالناما ئەرمەنیان ب هەلکەڤتا ژ دایک بوونا حەزرەتێ مەسیح جەژنا خوە دگێرن و ل سپێدێ هەموو ئەرمەن قەستا کەنیسەیێ دکەن بۆ برێڤەبرنا رێورەسمێن ئایینی تایبەت ب جەژنێ ڤە و لدووڤ دا ئەرمەن ل گەل هەموو پێکهاتەیێن زاخۆ جەژنا ئێک پیروز دکەن بەلێ ئەڤ سالە ژبەر وان کاودانێن عێراق تێدا دەرباز دبیت دێ سارتر ژ سالێن بوری پیروزیێن جەژنێ هێنە گێران.
گۆت ژی: ل سەرانسەری کوردستانێ پێنچ کەنیسەیا هەنە و زێدەتری ٢٠٠ خێزانێن ئەرمەن ل زاخۆ دژین و وەکو ئەرمەنێن زاخۆ هیچ جیاوازییەکا ئولی ناهێتە دیتن دناڤ پێکهاتەیان دا و هەر دیسان ب شێوەیەکێ ئاسایی وەکی هەموو ئولێن دیتر ئەم جەژنا خوە دگێرین.
