ئەڤرۆ،ھەژار مەعروف:
بریارە ئەڤ شەڤە ٢٤ یاری ژ قارەمانیا یورۆپا لیگ بھێنەکرن کو ھەتانوکە ١٣ یانا پلیتێن دەربازبوونێ مسوگەرکرینە بۆ دەربازبوونێ بۆ قوناغا ٣٢ کو ئەڤ شەڤە چاڤەرێ دھێتەکرن یازدە پلیتێن دی ژێ دیاربن کو ھەتانوکە سێ کومان دا شەرێ بەردەوامە دناڤبەرا چار ھەتا سێ یانەدا د ئێک کوم دا.
د یاریێن کوما ئێکێ دا ھەتانوکە شەر یێ بەردەوامە دناڤبەرا سێ یانە دا ئەوژێ فەنەربخچە یا تورکی خودانا دەە خالان و مانچستەریوناید نەە خال فینورد روتردام ھولەندی ب حەفت خالان کو بریارە ئەڤ شەڤە یانا فینورد مێڤانداریا فەنەربخچە بکەت ل یاریگەھا خوە د ل سەر یانا ھولەندی پێدڤی یە سەرکەفتنێ توماربکەت ب جوداھیا دو گولان ھەتا بشێت دەربازبوونا خوە مسوگەر بکەت ژبەرکو فەنەربخچە ب جوداھیا گولان و ھەردیسان شیابوو سەرکەفتنێ ژێ ل یاریگەھا خوە ل سەر فینورد توماربکەت و ب مەرجەکی فینورد دێ دەربازبیت ب گولەکێ بێ بەرامبەر ئەوژێ مانچستەر یوناید خوسارەت بیت ئەوا دێ یاریا خوە ل گەل زوریا لوگانسیکی یا کرواتی کەت کو دڤێ یاریێ دا مانچستەر بتنێ پێدڤی وەکھەڤیێ داکو دەربازبوونا خوە مسوگەر بکەت.

ھەتانوکە چارەنڤێسی چو یانا د کۆمێن ئێکێ و دەھێ دوازدێ دیار نینە

د یاریێن کوما دەھێ دا شەر دژوارترە ئەوژێ ھەتانوکە ھەر چار یانە ھیڤێن دەربازبوونێ ھەنە ھەر چەندە سەرکێشا کومێ فیرونتینا ھیڤێن وێ ژ ھەر یانەکا دی گەشترن ژبەرکو ئەو دێ یاریێ بەرامبەر یانا گارەباک یا ئەزەربێجانی کەت کو دڤێ یاریێ دا یانا گارەباک پێدڤی یە سەرکەفتنێ ل سەر فیرونتینا توماربکەت ب جوداھیا چار گولان ھەتا بشێن دەربازبوونا خوە مسوگەر بکەت کو یانا ئیتالی دەە خال ھەنە و یا ئەزەربیجانی حەفت خال ھەنە و فیرونتینا سەرەرای ڤی ئەنجامی ژێ دبیت دەربازبیت لێ ب مەرجەکی پاوک سالونیکا سەرکەفتنێ تومارنەکەت د یاریا خوە ھەکە سەرکەفتن تومارکر د وی دەمی دا دێ قارەمانیێ ب جە ھێلیت یانا ئیتالی کو ئەڤ شەڤە یاریا پاوک ھەتا رادەکی دێ یا ب سانەھی بیت ئەوژێ دەمێ ل گەل یانا سلوڤان لیبیرتش یا چیکی کەت کو یانا چیکی چو دەستی دا نینە ژبلی سەرکەفتنێ و ھەمان دەم دا گارەباک بەرامبەر فیرونتینا خوسارەت بیت ھەتا یانا چیکی دەربازبیت .

د یاریێن کوما دووماھیێ و دوازدێ دا شەر یێ بەردەوامە دناڤبەرا ھەر چار یانا دا چارەنڤێسی ئەوان د یاریێن ئەڤ شەڤە دا دیاربیت کو دەلیڤەیا ھەردو یانێن رێزا ئێکێ و دوێ باشترە ژ یێن سێ و چارێ د کومی دا ئەوژی ئوسمالی یا تورکی خودانا حەفت خالان رێزا ئێکێ دێ ل یاریگەھا خوە بەرامبەر زیورخ یا سویسری کەت دڤێ یاریێ دا یانا تورکی بتنێ پێدڤی وەکھەڤیێ یە دێ دەربازبوونا وێ مسوگەر بیت و چاڤەرێ چو ئەنجامێن تیمێن دی نابیت خوسارەتیا ئەوێ ھەتا رادەکێ مەزن دێ کەڤیتە د مەترسی دا دێ وی دەمی چاڤەرێ وەکھەڤیا ھەردو یانێن فیاریال و ستیوا بوخارست بیت و وی دەمی ژێ دێ خالێن ھەرسێ یانە گەھنە حەفت خالان ئوسمالی ب جوداھیا گولا ھەکە خوسارەت بوو ب جوداھیا گولەکێ دێ رەوشا وێ باشتر بیت ژبەرکو ژ ھەردو تیمێن دی باشترە ب جوداھیا یاریێن ئیکلاکەر دا و گولا دا ژێ و د یاریەکا دی دا فیاریال یا ئیسپانی خودانا شەش خالان رێزا دوێ ل گەل ستیوا بوخاراست کەت ئەوا ھەمان خال ھەین ل یاریگەھا خوە و سەرکەفتی ڤێ یاریێ دێ دەربازبوونا وێ مسوگەر بیت و وەکھەڤیا ھەردو یانا ل سەر گولەکێ دا ستیوا دێ قارەمانیێ ب فەرمی ب جە ھێلت و د بن گولەکێ دا فیاریال دێ قارەمانیێ ب جە ھێلت.

یانێن مەزن د یورۆپا لیگ دا د مەترسی دانە

ژلایەکێ دیڤە د پێنج کومێن دی دا شەر ھەتانوکە یێ بەردەوامە ل سەر دەربازبوونا پلێتەکا دی کو د ئەوان کومان دا سەرکێشێن کوما دەربازبوونێن خوە مسوگەر کریە د یاریێن کوما چارێ دا بریارە ئەڤ شەڤە زنێت یا روسی سەرکێشا کومێ ب ١٥ خالان ل گەل یانا ئەلکمار یا ھولەندی خودانا رێزا دوێ ب پێنج خالان بکەت چو دەستێ یانا ھولەندی دا نینە ژبلی سەرکەفتنێ کو ھەر ئەنجامەکێ دی د بەرژوەندیا وێ دا نینە د یاریەکا دی دا ھەردو یانێن مەکابی حەیفا یا ئوسرائیلی و دوندالک یا ئیرلەندی کەت و سەرکەفتی ڤێ یاریێ دەربازبوونا وێ مسوگەر بیت و د یاریێن کوما شەشێ دا تیما روما یا ئیتالی ئەوا دەربازبوونا خوە مسوگەر کری دێ یاریا خوە یا ئەڤ شەڤە ل گەل یانا ئاسترا جیورجیو یا رومانی کەت کو یانا رومانی چو دەستێ وی دا نینە ژبلی سەرکەفتنێ و دبیت ب وەکھەڤیێ ژێ دەربازبیت لێ ب مەرجەکی ئەوژێ یانا ئوستوریا ڤیێنا یا نەمساوی سەرکەفتێ تومارنەکەت ل گەل یانا فیکتوریا بلزن یا چیکی ل یاریگەھا وێ و د یاریێن کوما حەفتێ دا ژێ شەر ھەتانوکە یێ بەردەوامە ل سەر دو یانە بۆ مسوگەرکرنا پلێتا دوێ ئەوژێ ستاندر لیگ یا بەلجیکی و سەلتافیگو یا ئیسپانی کو یانا ستاندر لیگ یا بەلجیکی خودانا رێزا دوێ دێ یاریا خوە ل یاریگەھا خوە ل گەل سەرکێشا کومێ یانا ئەیاکس ئەمستردام کەت ئەوا دەربازبوونا خوە بەری نوکە مسوگەر کری و سەلتاڤیگو یا ئیسپانی دێ ژ دەرڤەی یاریگەھا خوە بەرامبەر پاناسینایکوس یا یونانی کەت کو دڤێ کومێ دا ستاندر لیگ شەش خال ھەنە رێزا دوێ ھێت ب ھەمان خال سەلتاڤیگو رێزا سیێ دھێت وەکھەڤیا ھەردو یانا د یاریێن ئەڤ شەڤە دا دێ بەرژوەندیا یانا بەلجیکی دا بیت .
د یاریێن کوما ھەشتێ دا ژێ ھەمان سیناریو کەمێن بوری یە کو ھەڤرکی ھەتانوکە بۆ دەستڤە ئینانا پلێتا دوێ بەردەوامە کو سپورتینگ براگا یا پرتوگالی خودانا رێزا دوێ ب شەش خال ئەڤ شەڤە دێ ل گەل یانا شاختار دونیسک یا ئوکورانی کەت ئەوا ھەتانوکە ژ پێنج یاریان پێنج سەرکەفتن ل دیڤ ئێک تومارکرین و تیما کەی ئەی چێنک یا بەلجیکی خودانا پێنج خالان رێزا سیێ دێ ل یاریگەھا خوە ل گەل کونیا سپور یا تورکی کەت ئەوا ھیڤێن دەربازبوونێ ژ دەستدای کو دڤێ یاریێ دا سەرکەفتنا چێنک د ھەمان دەم دا سپورتینگ براگا وەکھەڤ بیت دێ یانا بەلجیکی پلێتا دوێ ب دەستخوڤە ئینت و د یاریێن کوما یازدێ دا ژێ ھەمان سیناریو کومێن دی یە پلێتا دوێ ھەتانوکە دناڤبەرا ھەردو یانێن ساوھامتھون یا ئینگلیزی ھەبو عێل بئر یا ئوسرائیلی بەردەوامە کو بریارە ئەڤ شەڤە ھەردو یانە ھەمبەری ئێک بەن د یاریەکا ب ھێز دا کو ھەردو یانە حەفت خال ھەنە سەرکەفتی ڤێ یاریێ دێ دەرباز بیتە قوناغا ٣٢ لێ وەکھەڤیا ھەردو یانە مەرجێن خوە ھەنە بۆ دەربازبوونێ ھەر وەکھەڤیەکا سەر بێ گولێ دا دێ بەرژوەندیا یانا ئوسرائیلی دا بیت ژبەرکو ل یاریگەھا خوە وەکھەڤبوویە بێ گول و بتنێ وەکھەڤیا بێ گول د بەرژوەندیا یانا ئینگلیزی دا یە و د یاریەکا دی دا یانا سپارتگ براگا یا بەلجیکی سەرکێشا کومێ ئەوا دەربازبوونا خوە مسوگەر کری دێ ل گەل یانا ئەنتر میلان یا ئیتالی کەت ئەوا ژ قارەمانیێ دەرکەڤتی .

ھەژی گوتنێ یە بەری ڤێ گەرێ چارەنڤێسی پلێتا ئێکێ و دوێ ژ چار کومان دیاربوو ئەوژێ د کوما دوێ دا ئەبویل نیقوس یا قبرسی و ئولومپیاکوس یا یونانی و کوما سێ دا ئەندلەخت یا بەلیجکی و سان ئیتنیان یا فەرەنسی و گینگ یا بەلجیکی و ئەتلەتیکو بلباو ژ کوما شەشێ و شالکە و کرانسودار ژ کوما نەھێ.

تورک دێ ھژمارا خوە گەھینە سێ یانە

پشتی یانا بەشکتاش ل شەڤا بوری نەشیای دەربازی قوناغا دوێ ژ قارەمانیا چامپیونیز لیگ بیت و دەربازبوونا خوە بۆ یورۆپا لیگ مسوگەر کری ئەڤ شەڤە تورک ھەمی دی چاڤەرێ دەنگوباسی دەربازبوونا ھەردو یانێن فەنەربخچە و ئوسمالی سپور بن کو ب دەربازبوونا ئەڤان ھەردو یانە دێ ژمارا یانێن تورکی ل یورۆپا لیگ ل قوناغا ٣٢ گەھنە سێ یانە

کۆمێنتا تە