رازی كوردێن بۆ ھەلبژارتیێ عیراقێ ھاتینە داخوازکرن دورخستن
ئەڤرۆ نیوز، ھەژار مەعروف:
پشتی ئێکەتیا تەپا پێ یا عیراقی گەھشتی یە رێککەفتنێ ل گەل راھێنەرێ عیراقی و یانا قەتەر یا قەتەری سەرپەرشتیا ھەلبژارتیێ عیراقێ بۆ قارەمانیا ئاسیا ئەوا بریارە ھەڤرکێن وێ ل دەستپێکا سالا ٢٠١٥ ل وەلاتێ ئوسترالیا بھێنەکرن.
ل گەل دەست نیشانکرنا وی و ستاڤێ خوە یێ نوو راھێنەرێ ناڤبری چەند یاریکەر ژ پێکھاتیێ دەستپێکی دورخستن کو بەری نوکە ئێکەتیا تەپا پێ یا عیراقی ناڤێ ٥٠ یاریکەران بۆ ئێکەتیا ئاسیا یا تەپا پێ فرێکر بوون و بتنێ رازی شنێشل داخوازیا ٣١ یاریکەران کری یە ل راھێنانێن ھەلبژارتیێ عیراقێ ئامادەبن ل یاریگەھا شەعب ل باژێرێ بەغدا ل ٢٠ ڤێ ھەیڤی.
ژێدەرەکی ژ ئێکەتیا تەپا پێ یا عیراقی د پەیوەندیەکا تەلەفونی دا بۆ ئەڤرۆ نیوز دیارکر ئەو ٣١ یاریکەرێن ھاتینە داخوازکرن ئەو لسەر داخوازیا راھێنەرێ نووی بوون ئەڤ چەندە ھات پشتی کومبون ل گەل ئێکەتیا تەپا پێ ل قەتەر ب دووماھی ئیناین لیستەیەک رازی شنێشل پێشکێشی ئێکەتیا تەپا پێ یا عیراقی کر بوو دیارکر بوو ئەوان ٣١ یاریکەران ئاگادار بکەن ل راھێنانێن ٢٠ ڤێ ھەیڤێ ئامادەبن.
ژ گرنگترین ئەو یاریکەرێن نە ھاتینە داخوازکرن ژلایێ راھێنەرێ نوویێ یێ ھەلبژارتیێ عیراقێ ڤە ئەوژی ھەر ئێک ژ کەرار جاسم یاریکەرێ یانا ئیستقلال یا ئیرانی و نور سەبری گولچیێ بەرنیاس یێ عیراقی، موھند عەبدرحیم یاریکەرێ یانا شیبە قەبائیل یا جەزائیری و ھەر چار یاریکەرێن کورد ھەردی سیامەند و ھەلگورد مەلا محەمەد و کوسرەت بایز ژ یانا ھەولێرێ و ئوسامە رەشید پیشەکار دخولا پلا دو یا ھولەندا .
