رازی ڤەگەریا خولا عیراقێ
ئەڤرۆ نیوز، زنار
یانا جەویە راگەھاند ئەو شیان ھێرشبەرێ خوە یێ بەرێ و ئەمجەد رازی ڤەگەرینە ڤە بۆ یانێ پشتی بۆ ماوەکێ ئەڤی یاریکەری جەویە ب جە ھێلای و بەر ب پیشەکاریێ چوی.
ئەجمەد رازی بەری نوکە یاری بۆ یانا رائد یا سعودی دکر لێ پشتی تێکچوونا پەیوەندیێن وی ل گەل ڤێ یانێ ئەو نەشیا بەردەوامیێ بدەتە یاریێ و خواست ڤێ یانێ بجە بھێلیت.
راھێنەرێ یانا جەویە سەباح عەبدولجەلیل دیارکر کو ئەڤ یاریکەرە دێ ھێزەکا باش ل تیمێ زێدەکەت پشتی چونا ھێرشبەرێ وێ عەلی سەلاح بۆ یانا شورتە و ھنگافتنا یاریکەر حەمادی ئەحمەد کو تیم پێدڤی ب ڤی یاریکەری بوو لەورا بۆ یاریا سوبەھی ھەمبەر یانا شورتە ئەمجەد رازی دێ پشکداریێ کەت ھەتا دووماھیا قوناغا دویێ یا خولا عیراقێ و کاسێ.
