راستيان ئاشكه‌را دكه‌ت
ئەڤرۆ:
سوھەیر ئەلقەیسی میدیاکارا ناڤدارا عیراقی کو بەری نوکە ل کەنالێ (العربیە) کاردکر، ل سەر پەیجێ خوە یێ فێسبووکی بەلاڤکریە کو پێشمەرگە ل گەل سۆپایێ عیراقێ شەرێ داعش دکەن، لێ بێ مووچە.
ناڤھاتیێ کو خەلکا پارێزگەھا دیالەیە، ل رۆژێن بۆری سەرەدانا کەمپێن ئاواران ل باژێرکێ خانقین کر و گۆت: 40% ژ ئاوارێن عیراقێ نوکە ل پارێزگەھا دھۆکێ د ئاکنجی نە و حکومەتا نافخوە و خەلکێ دەڤەرێ ب ئەرکێ پێدڤی رابووینە و ئەوا دشیاندا ھەبوویە بۆ پێشکێشکریە.
ھەروەسا گۆت: ھەرێما کوردستانێ دو ملیۆن ئاوارێن عیراقی، ل گەل 600 ھزار ئاوارێن سووری حەواندینە.
ل دووماھیێ ژی دبێژیت: ھەتا نوکە موچێن فەرمانبەرێن ھەرێما کوردستانێ ژلایێ حوکمەتا عیراقێ ڤە نەھاتینە مەزاختن و پێشمەرگە ژی مل ب ملێ سۆپایێ عیراقێ بێ موچە شەرێ داعش دکەت.
