راهێنه‌رێ به‌رشه‌لونا بوو یاریا ئه‌ڤ شه‌ڤه‌ ئاخفتنا خوه‌ گوت

ئه‌ڤرۆ نیوز:
چاڤه‌رێ دهێـته‌كرن ئه‌ڤ شه‌ڤه‌ یانا به‌رشه‌لۆنا ل یاریگه‌ها خوه‌ مێڤانداریا یانا سیڤلیا بكه‌ت ژ چارچوڤێ یاریێن گه‌را هه‌شتێ ژ خۆلا ئیسپانیا یا ته‌پا پێ.
به‌رى ڤێ یاریێ راهێنه‌رێ یانا به‌رشه‌لۆنا ڤالڤێردى بوو ده‌زگه‌هێن راگه‌هاندنێ دیاركر سیڤیلیا هه‌موو ده‌ما یانه‌كا ب زه‌حمه‌ته‌ و ئه‌و دێ ئه‌ڤ شه‌ڤه‌ به‌رامبه‌ر ئێك ژ تیمێن ب هێز كه‌ت ل سه‌ر ئاستێ ئورۆپا و ئیسپانیا و یانه‌كا ژ ده‌رڤه‌ى یاریگه‌ها خوه‌ ژى ب هێزه‌كا مه‌زن دكه‌ت كو ل وه‌رزێ ئه‌ڤ ساله‌ ژ سه‌رجه‌مێ چار یاریان ژ ده‌رڤه‌ى یاریگه‌ها خوه‌ سێ سه‌ركه‌فتن توماركرینه‌ و ئه‌ڤ چه‌نده‌ وێ د گه‌هینت كو تیمه‌كا ب هێزه‌ و پێدڤى یه‌ ب هوشدارى یارى به‌رامبه‌ر بكه‌ین.
سه‌باره‌ت میسى و سوارێز ناڤبرى دیاركر ل وه‌رزێ ئه‌ڤ ساله‌ ئه‌و هه‌ردو نه‌شیان به‌رده‌وام وه‌كو یاریزانێن سه‌ره‌كى بن لێ بوو یاریا به‌رامبه‌ر ئه‌ڤ شه‌ڤه‌ ئه‌و دێ ل ئاماده‌بن و یاریه‌كا گرنگه‌ بوو ئه‌وان و ئه‌وى باوه‌رى ب شیانێن ئه‌وان هه‌نه‌ سوباهى دێ شێن ئه‌نجامه‌كێ سه‌ركه‌فتى بوو جه‌ماوه‌رێ یانێ توماركه‌ن هه‌ردیسان هه‌ردو یاریزانان كرێزمان و دێمبلى ژى دێ ل گه‌ل پێكهاتیێ یانێ به‌ن.

کۆمێنتا تە