راهێنه‌رێ به‌رشه‌لۆنا: یاریا ئه‌ڤرۆ یا ب سانه‌هى نینه
ئه‌ڤرۆ نیوز:
بریاره ئه‌ڤرۆ ل ده‌مژمێر شه‌ش مه‌غره‌ب یانا به‌رشه‌لۆنا ل یاریگه‌ها خوه مێڤانداریا یانا ئیبار بكه‌ت ژ چارچوڤێ یاریێن گه‌را 25 ژ خۆلا لالیگا ئیسپانیا .
راهێنه‌رێ یانا به‌رشه‌لۆنا كیكى سیتین به‌رى ڤێ یاریێ دیاركر ئه‌وان خوه باش به‌رهه‌ڤكریه بۆ ڤێ یاریێ و ئه‌و هزر ل وێ چه‌ندێ دكه‌ن یاریا دووماهیێ یه ژبه‌ركو هه‌موو یاریێن بهێت بۆ ئه‌وان گرنگن و سێ خالێن یاریێ ئارمانجا ئه‌وان یا سه‌ره‌كى یه .
ناڤبرى ئاماژه ب وێ چه‌ندێ ژى كر گه‌له‌ك وه‌سا هزر ل وێ چه‌ندێ دكه‌ن كو یاریا به‌رامبه‌ر ئیبار یا ب سانه‌هى یه لێ به‌روڤاژى ئه‌و وه‌سا نابینت و ئه‌و دبینت دێ یاریه‌كا ب زه‌حمه‌ت بیت و پێدڤى یه هه‌موو ده‌مان رێز ل هه‌موو یانان بهێته‌گرتن.
هه‌ردیسان ل سه‌ر هاتنا یاریزانێ نوو یێ یانێ ناڤبرى دیاركر ئه‌وان باوه‌ریه‌كا مه‌زن ب شیانێن ئه‌وى یاریزانى هه‌یه و ئه‌و دخوازیت ل ڤێ یاریێ پشكداریێ ب برایسوایت بكه‌ت بۆ وێ چه‌ندێ پتر باوه‌رى بوو په‌یدا بیت ژبه‌ركو ئه‌و دێ ل یاریێن بهێت پێدڤى ب شیانێن ئه‌وى یاریزانى هه‌بیت.
سه‌باره‌ت قاره‌مانیا چامپیونیز لیگ ناڤبرى دیاركر زێده‌تر ژ 20 سالان ئه‌و چاڤدێریا وێ قاره‌مانیێ دكه‌ت و ئه‌و یێ گه‌شبینه دێ شێت ئه‌نجامێن باش ل وێ قاره‌مانیێ بۆ به‌رشه‌لۆنا توماركه‌ت.