راپرسيه‌ك: هونگ كونگ ئارامترين ده‌ڤه‌ره ل جيهانێ
ئه‌ڤرۆنيۆز:
ل دووڤ راپرسيه‌كێ كو ژلايێ كۆمپانيه‌كا نێڤده‌وله‌تى دبوارێ ئاسايشێ هاتيه ئه‌نجامدان، دياربوو كو ئيدارا تايبه‌ت يا هونگ كونگ ل چينێ ژروويێ ئاسايشێ ڤه ل پلا ئێكێ ل سه‌ر جيهانێ دهێت وناسناڤێ ئارامترين ده‌ڤه‌ر ل جيهانێ پێ هاته دان.
كۆمپانيا ئاسايشا ئۆنلاين backgroundchecks.org هه‌لسه‌نگاندنه‌ك ل 121 وه‌لاتان بۆ گه‌شتياران ئه‌نجامدا وتێدا ب رێيا سايته‌كى پرسيار ئاراسته‌ى گه‌شتياران وكۆمپانيان هاتبوونه كرن.
دوێ راپرسيێ دا، رێژا تاوانێ وهوشداريا گه‌شتبارى ودووربوون ژكاره‌ساتێن سروشتى وه‌كو فاكته‌ره‌ك ممامه‌له ل گه‌ل هاته كرن وتێدا هونگ كونگ ژروويێ ئاسايشێ ڤه ل پلا ئێكێ ل سه‌ر ئاستێ جيهانێ هاته ده‌ستنيشان كرن بۆ گه‌شتكرنێ، ئه‌وژى ژئه‌نجامێ وان پرسيارێن ژخه‌لكى وكۆمپانيان هاتينه كرن.
دناڤ وێ ليستێ دا وپشتى هونگ كونگێ، هه‌رئێك ژ وه‌لاتێن سنگافۆرا، چاپۆن ئيسپانيا، بريتانيا، فره‌نسا، ئه‌لمانيا، كه‌نه‌دا، نه‌رويج وئوستراليا د وێ رێبزبه‌ندێ دا هاتينه.
