راکیتیچ بریارا دووماھیێ دا
ئەڤرۆ نیوز:
یاریزانێ ھێلا ناڤینا ھەلبژارتیێ کرواتیا و یانا بەرشەلۆنا ئیڤان راکیتیچ ئەوێ بوو ماوێ چەند ھەیڤانە بوویە جھێ مانشێتێن رۆژنامەیێن ئورۆپی کو ئەو یاریزان دێ ل دووماھیا ڤی وەرزی پێکھاتیێ بەرشەلۆنا ب جە ھێلیت و بەر ب یانەکا دی ڤە ل ئورۆپا چیت تایبەت پشتی وێ یانا کەتەلونی ھەڤبەست ل گەل دی یونگ یێ ھولەندی ئیمزاکری بوو وەرزێ بھێت .
رۆژناما لاگازێتا دیلو سپورت یا ئیتالی ئاشکراکریە راکیتچ نێزیکی ئیمزاکرنا ھەڤبەستا یانا یوڤانتوس یا ئیتالی بوویە ، پشتی ئەوێ یانێ ل ماوێ بوری دەست ب دانوستاندنان ل گەل رێڤەبەرێ کارێن ئیڤان راکیتیچ کری و ئەوی یاریزانی ژی رازەمەندیا خوە دیارکریە بوو کرنا یاریێ ل یانا یوڤانتوس ھەر چەندە یانا ئەنتر میلان ژی داخوازیەکا باش پێشکێشی ئەوی یاریزانی کریە لێ ئەو یاریزانی بوو رێڤەبەرێ کارێن خوە دیارکریە ئەو دخوازیت بوو وەرزێ بھێت یاری ل یوڤانتوس بکەت.
ژلایەکێ دیڤە ل سەر چوونا راکیتیچ سەرۆکێ یانا بەرشەلۆنا دیارکر راکیتیچ ئێک ژ یاریزانێن ھەرە گرنگە ل ناڤا پێکھاتیێ یانێ دا و راھێنەرێ یانێ ژی پشت بەستنەکا مەزن ل سەر شیانێن ئەوی یاریزانی دەت لێ ھەتا دووماھیا ڤی وەرزی ئەو نزانن کا دێ چ رویدات لێ وەکو یاریزان ئەو گەلەک ژ شیانێن راکیتیچ رازی نە و داخوازن ئەو یاریزان یێ بەردەوام بیت ل گەل ئەوان.
