راگه‌هاندنه‌ك ژ سه‌رۆكایه‌تیا هه‌رێمێ
ئه‌ڤرۆ نیوز:
ده‌مێ چه‌ند رۆژانه ل باژێرێ دوزخورماتوو ئالوزى یێن دروست بووى و چه‌ندین بوویه‌رێن نه‌خواستى یێن په‌یدابووى و چه‌ند وه‌لاتى ژ پێكهاتێن جودا جودا یێن شه‌هید بووى و ده‌ستدرێژى ل سه‌ر سه‌ر مولك و مالێن وه‌لاتیان هاتیه كرن، سه‌ره‌راى ده‌ربرینا نه‌رازیبوونا خوه ل سه‌ر ڤان روودانان، پێدڤیه ده‌زگه‌هێن فه‌رمى و ئیدارى و ئێمناهى یێن باژێرێ و هێزێن پێشمه‌رگێ كوردستانێ رۆلێ خوه د كۆنترولكرنا ڤێ ره‌وشێ ببینن و بێى جوداهى سه‌ر و مالێن وه‌لاتیان ب پارێزن و رێكێ ب ده‌ستدرێژیا چ لایه‌نه‌كێ نه‌ده‌ن، هه‌روه‌سا رژدیێ ل سه‌ر پاراستنا ئێكرێزى و ته‌باییا هه‌موو پێكهاتێن شارى دكه‌ین و پێدڤیه هه‌موو كێشه ب رێكێن دیالوكێ و لێكتێگه‌هشتنێ بهێنه چاره‌كرن و هه‌موو لایه‌ك كار بۆ پاراستنا ئاسایشا باژێرێ و به‌رهنگاربوونا داعش بكه‌ن كو دوژمنا هه‌ڤبه‌شا هه‌موو لایه‌كێ یه.
سه‌رۆكایه‌تیا هه‌رێما كوردستانێ
16/11/2015
