راھێنەرێ بەرشەلۆنا ئاخفتنا خوە بوو یاریا ئەڤ شەڤە گوت
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١١ یانا بەرشەلۆنا ل یاریگەھا خوە کامپ نوو مێڤانداریا یانا لیون بکەت ژ چارچوڤێ یاریێن قوناغا ١٦ ژ یاریێن دوێ ژ قارەمانیا چامپیونیز لیگ پشتی ھەردو یانە ل یاریا ئێکێ بێ گول وەکھەڤبووین ل یاریگەھا لیون .
راھێنەرێ یانا بەرشەلۆنا ڤالڤێردی د کونگرێ رۆژنامەڤانی دا دیارکر ئەوان ئەنجامێ یاریا ئێکێ یێ یاریگەھا لیون ژبیر کریە بتنێ ئەو دێ چنە دناڤ یاریگەھێ دا بوو سەرکەفتنێ و ھزر ل ئەوان ئەنجامێن دی ناکەن کا کیژان ئەنجام د بەرژوەندیا لیون و بەرشەلۆنا دایە و ئەوان چەکێ خوە یێ تایبەت ھەیە ئەوژی پشت بەستن َل سەر ھێلا ھێرشبەریا یانێ .
سەبارەت پشکدار کرنێ ب دیمیلی ناڤبری دیارکر ئەو یاریزان د ناڤا لیستەیا یاریزانێن یانێ دایە بوو یاریا ئەڤ شەڤە لێ ئەو بەری یاریێ ب چەند دەمژمێران دێ بریارێ ل سەر پشکداریا ئەوی یاریزانی کەن .
ھەردیسان راھێنەرێ بەرشەلۆنا ئاماژە ب وێ چەندێ ژی کر پێدڤی یە رێزگرتنەکا مەزن ل یانا بەرامبەر خوە بگرین ژبەرکو لیون ژ یانێن خودان شیان و چەند یاریزان دناڤا پێکھاتیێ وێ تیمێ دا ھەنە دشێن مەترسی ل سەر ھێلا بەرەڤانیا مە توماربکەن لەورا ل سەر ئەوان پێدڤی یە ھەر زیکا ھزر ل تومارکرنا گولێ بکەن .
ھەژی گوتنێ یە بەرشەلۆنا ل یاریا ئێکێ ل گەل لیون بێ گول وەکھەڤبوو دڤێ یاریێ دا ھەر وەکھەڤیەکا د یاریێ دا ژبلی ئەنجامێ بێ گول لیون دێ دەربازبیت ل سەر کیستێ بەرشەلۆنا.
