راھێنەرێ توتنھام بەحس ل یاریا ئەڤ شەڤە کر
ئەڤرۆ نیوز:
چاڤەرێ دھێتەکرن ئەڤ شەڤە و شەڤەکا دی ل دەمژمێر ١٠:٠٠ شەڤ ل دیڤ دەمێ کوردستانێ یاریێن ئێکێ ژ قوناغا پێش دووماھیا قارەمانیا چامپیونیز لیگا ئورۆپا بھێنەکرن کو ئەڤ شەڤە بریارە توتنھام یا ئنگلیزی ل یاریگەھا خوە مێڤانداریا یانا ئەیاکس ئەمستردام یا ھولەندی بکەت راھێنەرێ ئەرژەنتینی و یانا توتنھام یا ئنگلیزی بەری ڤێ یاریێ بەحس ل چەند خالێن گرنگ کر ل سەر ڤێ یاریێ.
دەستپێکێ پوچتینو راھێنەرێ توتنھام دیارکر ل سەر ئەوان دەستپێکێ پێدڤی یە ئەنجامەکێ باش ل یاریگەھا خوە توماربکەین ژبەرکو ژبیر نەکەین یانا مێڤان ل دو یاریێن بوری دا ژ دەرڤەی یاریگەھا خوە ئاستێ ئەوێ باشتر بوو ل گەل دو بەرنیاسترین یانێن جیھانێ لێ ئەوی باوەریەکا مەزن ب شیانێن یاریزانێن خوە ھەیە دێ شێن ئەنجامەکێ باش ب دەستخوڤە تومارکەن .
ناڤبری ئاماژە ب وێ چەندێ ژی کر گەھشتن بوو قوناغا پێش دووماھیێ ب سانەھی ب دەست ھەر تیمەکێ نا کەڤیت لەورا ل سەر ئەوان پێدڤی یە ھەموو شیانێن خوە تەرخان بکەن بوو گەھشتن بوو یاریا دووماھیا قارەمانیێ .
ل دووماھیێ ناڤبری سەبارەت نە پشکداریا یاریزانێن بوو یاریا ئەڤ شەڤە دیارکر ھەر ئێک ژ سون و یانسن پشکداری دڤی یاریێ دا ناکەن کو یێ ئێکێ ژبەر دو کارتێن زەر و یێ دوێ ژبەر ھنگافتنێ لێ ھەردو یاریزانان ڤێرتونگن و موسا سیسکو رەوشا ئەوان نوکە گەلەک باشە و چ مەترسی ل سەر نینە ب تمامی ژ ھنگافتنێ قورتال بووینە .
