راھێنەرێ زاخۆ :ئەوا ئەڤرۆ روودایی رۆژەکا رەشە د تەپاپێ یا کوردستانێ دا
ئەڤرۆ نیوز،عەلی حاجی :
پشتی دگەرا دوماھیێ دا ژخولا نایابا تازە پێگەھشتیێن کوردستانێ یا تەپاپێ دا تازە پێگەھشتیێن د یاریا گەرا دوماھیێ دا ب ئەنجامێ ١٧-١ سەرکەڤتن ل سەر تازە پێگەھشتیین جیھان تومار کری ، راھێنەرێ زاخۆ ب رۆژەکا رەش دمێژوویا تەپاپێ یا کوردستانێ ل قەلەم دا.
نەوزاد عەلی، راھێنەرێ تازە پێگەھشتیێن یانا زاخۆ بۆ ئەڤرۆ نیوز گوت : نەیا بەر عاقلە تیمەک ب درێژاھیا خولێ و بەری گەرا پێش دوماھیێ ٢٠ گولان تومار بکەت و بتنێ د ئێک یاری دا ١٧ گولان تۆمار بکەت، یا دیارە ده‌ستكارى ب ئەنجامێ یاریێ يا ھاتیە کرن، ئەڤجا ھەکە ئێکەتیا تەپاپێ یا کوردستانێ ڤەکولینێ د ئەنجامێ ڤێ یاریێ دا نەکەت، دێ ناڤێ خوە د ناڤ مێژوویەکا رەش دا تومار کەت، پێدڤیە ژی ھەردو یانەیێن جیھان و تازە پێگەھشتیێن پێشمەرگەیێ سلێمانیێ ل سەر ڤێ روودانێ بھێنە سزادان داکو ئێدی روویێ وەرزشا کوردستانێ رەش نەکەن ڤە و ئەوا ئەڤرۆ روودایی روویێ وەرزشێ ل کوردستانێ رەش کرن و کرێت کرن .
گوت ژی : پێدڤی یە مافێ یاریزانێن من نەھێتە بەرزە کرن و خارن ژبەرکق ب زەحمەتی و ماندی بون ئەم یێ گەھشتینە ڤێ قوناغێ و مافێ ھەمی یاریزانێن من بھێتە دان،ھەکە مافێ وان نەھێتە دان،دێ ھەلویستەکێ توند ھەبیت بەرامبەر ئێکەتیا تەپاپێ یا کوردستانێ .
