راھێنەرێ زاخۆ یێ بەری نوکە ھەڤبەستا جەویە ئیمزاکر
ئەڤرۆ نیوز:
پشتی تیما تەپا پێ یا جەویە د یاریا خوە یا ئێکێ دا ژ قوناغا بژارە یا عیراقێ دوھی خوسارەت بووی ل گەل یانا مینا ب گولەکێ بێ بەرامبەر راھێنەرێ یانا جەویە سەباح عەبدولجەلیل بریارە دەست کارکێشانا خوە دا ژ ئەرکێ تیمێ و کارگێریا یانێ ژی ئێکسەر ل سەر دەست کارکێشانا وی رازی بوون.
ژێدەرەکێ نێزیک ژ یانا جەویە د داخویانیەکێ دا بۆ ئەڤرۆ نیوز دیارکر کارگێریا یانا جەویە گەھشتی یە رێککەفتنێ ل گەل راھێنەرێ گەنج عەلی ھادی و دبیت ل گەل وێ ژی یاریکەرێ بەرنیاس یێ ھەلبژارتیێ عیراقێ یێ بەری نوکە عەباس عوبێد بھێتە دەست نیشانکرن .
ھەژی گوتنێ یە عەلی ھادی ل وەرزێ ئەڤ سالە ژ بەر ئەنجامێن لاواز دەست ژ پوستێ راھێنەریا یانا کارەبا بەردا بوو ھەردیسان ل وەرزێ بوری ژی یانا زاخۆ پشتی ھەڤبەستا وی ب دووماھی ھاتی ھەڤبەستا وی نوونەکر بوو .
