راھێنەرێ زاخۆ یێ نووی بیرھاتنێن چار گولان ل گەل ھەولێرێ دوبارەکرن
ئەڤرۆ نیوز:
تیما تەپا پێ یا زاخۆ د یاریا خوە یا ئێکێ دا ب سەرپەرشتیا راھێنەرێ خوە یێ رومانی ئیوان مارین شێیا سەرکەفتنەکا مەزن ل سەر یانا ھەولێرێ توماربکەت ب چار گولان بەرامبەر دو گولان دوێ یاریێ دا ئەوا ئەڤرۆ ل یاریگەھا ھەولێرێ ھاتیە کرن ژ چارچوڤێ یاریەکا ھەڤالینی ژ بوو خوبەرھەڤکرن بۆ یاریێن قوناغا دوێ ژی خۆلا پلا نایاب یا عیراقێ.
د نیڤا ئێکێ دا ھەردو تیم ب دو گولان وەکھەڤ بوون و ل نیڤا دوێ دا یاریکەرێن زاخۆ شێیان دو گولێن دێ توماربکەن و یاری د بەرژوەندیا زاخۆ دا ب دووماھی ھات ب چار گولان بەرامبەر دو گولان،.
گولێن یانا زاخۆ ژلایێ ھەر ئێک ژ لیکا یێ رومانی و حسێن عەبدولواحد و ھەردو یاریکەرێن پیشەکار یێن لیبی عەبدولسلام فیتوری و سالم روما و ھەردو گولێن ھەولێرێ ژلایێ یاریکەران فەرحان شەکور و باسل موستەفا ھاتنە تومارکرن.
ھەژی گوتنێ یە بۆ جارا دوێ یە ئەڤ راھێنەرە یاری بەرامبەر یانا ھەولێرێ بکەت کو جارا ئێکێ ل گەل یانا کوێت یا کوێتی بوو ل یاریا دووماھیا کاسا ئێکەتیا ئاسیا دەمێ شێیای سەرکەفتنێ ل سەر یانا ھەولێرێ توماربکەت ب چار گولان بێ بەرامبەر .
