سلێمان رەمەزان دێ دەست ژ ئەرکێ راھێنەریا زێرەڤانی بەردەت
ئەڤرۆ نیوز:
ژێدەرێن دەنگوباسی وەسا دیاردکەن پشتی یاریا دوھی دناڤبەرا ھەردو یانێن کەرکوک و زێرەڤانی دا ب دووماھی ھاتی و تیما زێرەڤانی دڤێ یاریێ دا بۆ یاریا پێنجێ ل دیڤ ئێک نەشیای سەرکەفتنێ ل وەرزێ ئەڤ سالە توماربکەت راھێنەرێ تیمێ سلێمان رەمەزان ئەوێ ل سێ وەرزێن بوری شیای سێ جاران ل دیڤ ئێک ناسناڤێ خولێ بۆ تیمێ ب دەستخوڤە ئینای بریار دایە دەست ژ ئەرکێ راھێنەریا تیمێ بەردەت ژبەر ئەو ئەنجامێن لاواز ل وەرزێ ئەڤ سالە .
چەند ژێدەرێن دەنگوباسی وەسا دیاردکەن پشتی یاریێ ب دووماھی ھاتی ئێکسەر راھێنەرێ یانا زێرەڤانی سلێمان رەمەزان ئەوێ ل سێ وەرزێن بوری شیای سێ ناسناڤان بۆ یانا زێرەڤانی ب دەستخوڤە بینت بریار دایە دەست ژ ئەرکێ خوە بەردەت ھەر چەندە ھەتانوکە ئەڤ نوچە ب فەرمی نە ھاتیە راگەھاندن لێ چاڤەرێ دھێتەکرن ئەڤرۆ ھەتا سوباھی کارگێریا یانێ بریار ل سەر وێ بریارا راھێنەرێ خوە بدەت .