راھێنەرێ شورتە: ب سەرکەفتنەکێ دێ ڤەگەرینە دناڤ ھەڤرکیێ دا
ئەڤرۆ نیوز:
راھێنەرێ یانا شورتە قەحتان جەسەیر دیارکر ئەو بتنێ پێدڤی سەرکەفتنەکێ نە بۆ جارەکا دی رەوشا یانێ ڤەگەرینەڤە بۆ ھەڤرکیێ ل سەر یاریێن خۆلا پلا بژارە یا عیراقێ .
زێدەتر راھێنەرێ یانا شورتە دیارکر ئەوان بەرھەڤیێن باش بۆ یاریێن قوناغا دوێ کری نە و چو کێماسی ل پێکھاتیێ تیمێ نینە و ھەمی یاریکەر د بەرھەڤن بۆ یاریێن قوناغا دوێ و ئارمانجا ئەوان یا سەرەکی ئەوە سەرکەفن بۆ چارگوشا زێرین یا خۆلا عیراقێ و ھەڤرکیێ ل سەر ناستاڤێ خۆلا عیراقێ.
ھەژی گوتنێ یە یانا شورتە ل ماوێ ڤەگوھاستنێن زفستانی دەست ژ دەھـ یاریکەران کر بوو بەرامبەر ھەڤبەستا ٩ یاریکەرێن نووی ئیمزاکری یە .