راھێنەرێ مانچێستەر ئاخفتنا خوە ل سەر خوسارەتیا شڤێدی گوت
ئەڤرۆ نیوز:
پشتی ل شەڤا بوری یانا مانچێستەر یوتاید ل ناڤ ئەردو جەماوەرێ خوە توشی خوسارەتیێ بووی ل سەر دەستێ بەرشەلۆنا ب گولەکێ بێ بەرامبەر ژ چارچوڤێ یاریێن قوناغا ھەشتێ ژ قارەمانیا چامپیونیز لیگ راھێنەرێ مان یوناید سولشایر پشکداری د گونگرێ رۆژنامەڤانی دا کر و بەحس ل وێ یاریێ کر .
دەستپێکێ راھێنەرێ مانچێستەر یوناید دیارکر ئەوان یاری دەستپێکر ب باشترین شێوە و پشتی گول ژی ل سەر ئەوان ھاتیە تومارکرن ئەوان کونترولا یاریێ کر تایبەت ل ھێلا ناڤین کو یاریزانێن ئەوان کونترولا ھێلا ناڤین کربوو ب تمامی لێ ئەو گولا ل سەر ئەوان ھاتیە تومارکرن ب شاشی یاریزانێ ئەوان لوک شاو ل سەر خوە تومارکری دبینت بوو بەختێ بەرشەلۆنا بوو ھەکە ئەو نەشیان چ مەترسیا مەزن ل سەر گولا ئەوان توماربکەن بەروڤاژی ئەوان پتر مەترسی ئێخست بوو سەر گولا بەرشەلۆنا .
زێدەتر راھێنەرێ نەرویجی یێ مانچێستەر سولشایر دیارکر ئەڤە تەپا پێ یە ئەوان یاری بەرامبەر یانەکا مەزن کر و ئەو ژ ئاستێ یاریزانێن خوە یێ رازیبوو ژبەرکو ئەوان ھەموو تشت کرن بتنێ بەخت نەبوو بۆ تومارکرنا گولێ و جەماوەرێ ئەوان ژی رولەکێ مەزن ھەبوو ھەر ژ دەستپێکا یاریێ ھەتا دووماھیی چرکە پشتەڤانیەکا ب ھێز بوو ئەوان کر و دبینت بەخت پتر ل گەل بەرشەلۆنا بوو دڤێ یاریێ دا .
ل دووماھیێ ناڤبری ئاماژە ب وێ چەندێ ژی کر ئەو دێ بەر ب یاریگەھا کامپ نوو چن بتنێ بوو ئارمانجەکێ ئەوژی بوو تومارکرنا گولا و سەرکەفتنێ و راستە دێ یاری بوو ئەوان یێ ب زەحمەت بیت لێ د یاریا تەپا پێ دا چ ب زەحمەت نینە ئەوی باوەری ب شیانێن یاریزانێن خوە ھەیە تایبەت پشتی یاریا شەڤا بوری کو ئاستەکێ بلند پێشکێشکر .