راھێنەرێ مانچێستەر یوناید بزانە پشتی خوسارەتیا بەرامبەر بەرشەلۆنا چ گوت
ئەڤرۆ نیوز:
پشتی ل یاریا شەڤا بوری یانا مانچێستەر یوناید نەشیای دەربازی قوناغا پێش دووماھیا قارەمانیا چامپیونیز لیگا ئورۆپا بووی دەمێ توشی خوسارەتیێ بووی ل سەر دەستێ بەرشەلۆنا ب سێ گولان بێ بەرامبەر ل یاریگەھا کامپ نوو کو ل سەرجەمێ ھەردو یاریان دا بەرشەلۆنا شیا دەربازی پێش دووماھیێ بیت ب چار گولان بێ بەرامبەر پشتی ل یاریا ئێکێ ژی ل ئولترافورد ب سەرکەفتی ب گولەکێ بێ بەرامبەر .
سولشایر راھێنەرێ مانچێستەر یوناید پشتی یاریێ دیارکر ئەو دەستپێکێ ب ھێز ھاتنە دناڤ یاریێ دا و چەند دەرفەت بوو پەیدابوون لێ تومارکرنا دو گولان ل دەستپێکا یاریێ ژ دو دەرفەتان ھەموو پلانێن ئەوان تێکدان و ھەکە یاریزانێن ئەوان ئەو دەرفەتێن خوە یێن دەستپێکا یاریێ ب مفا دیت بان دا ئەنجامێ یاریێ یێ چیاواز بیت ژ یێ نوکە و ئەو شاشیێن ل ڤێ یاریێ رویدای نابیت بھێنە دوبارەکرن و ل سەر ئەوان پێدڤی یە چارەسەریا ئەوان شاشیان بکەن ل یاریێن بھێت.
سەبارەت میسی ناڤبری دیارکر ئەو ئێک ژ باشترین یاریزانانە ل جیھانێ و ئەوی رولەکێ ھەرە مەزن ھەبوو بۆ سەرکەفتنا بەرشەلۆنا ل سەر تیما ئەوان .
ل دووماھیێ سەبارەت ئەو شاشیا دی خیا ناڤبری دیارکر چ مروف د ژیانێ دا نین توشی شاشی نەبیت و ئەو ژی وەکو ھەر کەسەکێ دی توشی شاشیێ بیت و ژبیر نەکەین راستە ب وێ شاشی گول سەر ھاتە تومارکرن لێ گەلەک تەپ ڤەگەراندی نە و ل گەلەک یاریان دا ژی دی خیا بوویە ئەگەرێ سەرکەفتنێن ھەرە گرنگ بوو مان یوناید لەورا پێدڤی یە ئەوا شەڤا بوری ژبیر بکەین و نوکە ھزر ل یارییێن بھێت بکەین و ھەڤرکیا دەربازبوونێ بوو مسوگەر کرنا قارەمانیا چامپیونیز لیگ ل وەرزێ بھێت.