راھێنەرێ چێلسی یێ نوو ئاشکرا بوو
ئەڤرۆ نیوز:
راپورتێن رۆژنامەڤانی ل برێتانیا وەسا داینە دیارکرن یانا چێلسی یا ئنگلیزی ل چەند دەمژمێرێن بھێت دێ ب فەرمی ھەڤبەستا راھێنەرێ خوە یێ ئیتالی ئەنتونو کونتی ھەلوەشینت و ل جھێ وی راھێنەرەکێ نوو ئینت .
کونتی ئەوێ ل ماوێ چەند رۆژێن بوری شیای ناسناڤێ کاسا ئێکەتیا ئنگلتەرا ب دەستخوڤە بری ئەوی ژی ل ماوێ بوری چەندین جاران دیارکربوو وەرزێ ئەڤ سالە دێ بیتە دووماھیی وەرزێ وی ل گەل یانا لەندەنی و رۆژنامەیێن نێزیکی یانا چێلسی وەسا ئاشکراکریە کو ئاریشە دناڤبەرا بەرپرسێن یانێ و تایبەت سەرۆکێ وێ یێ روسی و راھێنەرێ ئیتالی ھەبوون لەورا یانێ ھەڤبەستا ئەوی ھەلوەشاندی یە .
رۆژناما ئێکس پرێس یا برێتانی دیارکریە یانا چێلسی بەری نوکە دەست ب دانوستاندنان کریە ل گەل راھێنەرێ ئیسپانی و یێ بەری نوکە یێ یانا چێلسی لویس ئەنریکی کو دبیت ل چەند دەمژمێرێن بھێت ب فەرمی ئەو راھێنەر پوستێ راھێنەریا یانا چێلسی وەربگریت .
