راھێنەرێ ھەلبژارتیێ سوریا بریار ل سەر یاریزانێن کورد دا
ئەڤرۆ نیوز:
راھێنەرێ ئەلمانی و ھەلبژارتیێ سوریا یێ تەپا پێ بیرند سانگ پێکھاتیێ دووماھیێ یێ ھەلبژارتیێ سوریا راگەھاند بوو پشکدار کرنێ د قارەمانیا ئاسیا یا ھەلبژاتیان دا ئەوا بریارە ھەڤرکیێن وێ ل دەستپێکا ھەیڤا بھێت ژ ٢٠١٩ ل وەلاتێ ئیمارات بھێنەکرن.
راھێنەرێ ھەلبژارتیێ سوریا ٢٣ یاریزان بوو قارەمانیا ئاسیا داخوازکرینە کو ئەو پێکھاتی دێ یێ دووماھیێ بیت بوو ھەڤرکیێن قارەمانیێ د ناڤا وی پێکھاتیێ سوریا دا دو یاریزانێن کورد ل گەل دابوون ئەوژی ھەر ئێک ژ محەمەد عوسمان ستێرا یانا ھیراکلیس یا ھولەندی و ئەحمەد سالح یاریزانێ یانا عەھد یا لوبنانی کو ھەردو یاریزان خەلکێ باژێرێ قامشلویا رۆژئاڤا کوردستانێ نە.
راھێنەرێ ھەلبژارتیێ سوریا ستێرا کورد و یانا دینامو دێرسن ئەیاز عوسمان ژ پێکھاتیێ دووماھیێ یێ ھەلبژارتیێ سوریا بۆ قارەمانیا ئاسیا دورخست کو ئەو یاریزان ژی ئێک ژ بەربژاران بوو یاری بکەت ل پێکھاتیێ سوریێ لێ چەند رۆژنامەیێن سوریا ئاشکرا کرینە ژبەر ئەو ئاریشا دناڤبەرا ئەیاز و راھێنەرێ ئەلمانی یێ ھەلبژارتیێ سوریا ئەو یاریزان نە ھاتیە داخوازکرن.
محەمەد عوسمان
ئەحمەد سالح