راھێنەرەکێ دھۆکێ دێ بیتە خۆدان باوەرنامەیا A ل ئاسیا
ئەڤرۆ نیۆز، ھەژار مەعروف:
ئێکەتیا تەپا پیێ یا عیراقێ ناڤێ ٢٤ راھێنەرێن پشکدار دخۆلا پیتا A دا ل سەر ئاستێ ئاسیا ئاشکرا کرن کو دناڤا ئەوان پشکداران دا بتنێ ناڤێ راھێنەرەکێ دھۆکێ دناڤ دا بوو ئەوژی راھێنەرێ یانا زێرەڤانی سلێمان رەمەزان .
سەرۆکێ ئێکەتیا تەپا پیێ یا عیراقێ عەبدولخالق مەسعود د داخویانیەکێ دا بۆ مالپەری ئەڤرۆ نیۆز دیارکر ئەو راھێنەرێن پشکدار دڤێ خۆلێ دا دێ ماڤ ھەبیت ھەر یانەکێ ل سەر ئاستێ ئاسیا وەربگرن ژبەرکو باوەرنامەیا پیتا A یا پەسەند کری یە ل سەر ئاستێ ئاسیا .
ئەو راھێنەرێن پشکدار دڤێ خولێ دا ئەڤێن خوارێ نە.
یوسف کاکێ، عەبدولقادر حوسێن، نازم جەبار، محەمەد عەلی سەعید خەسرەو گورون، نەجا عەبدولرەحمان، سلێمان رەمەزان، ئەیوب یونس، نازم شاکر، تاریق حوسێن، جەلیل جەمیل، محەمەد فواز، ئیبراھیم محەمەد، حەسەن عەباس، عیماد ھاشم، ئیبراھیم سالم، لیس حوسێن، شاکر محەمەد سەبار، وەلی کەریم، عەلی خەلەف، ھیسەم سەبری، سەلام عومەر، حەمید رەشید و حامد حاتم.
ھەژی گوتنێ یە ئەڤ خۆلا راھێنانی بریارە ٧-١١-٢٠١٥ ل باژێرێ ھەولێرێ بھێتەڤەکرن ب سەرپەرشتیا ئێکەتیا ئاسیا یا تەپا پیێ ب ھەڤکاریا ئێکەتیا ناڤەندی یا عیراقێ.
