ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب ته‌مامى ئه‌ور بيت ل گه‌ل بارينا به‌فر و بارانان ل ده‌ڤه‌رێن جودا يێن پارێزگه‌هێ.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا پێنجشه‌مبى رێكه‌فتى 8\1\2015 ئه‌سمانێ دهۆكێ ب ته‌مامى ئه‌ور بيت ل گه‌ل بارينا به‌فر و بارانان ل ده‌ڤه‌رێن جودا يێن پارێزگه‌هێب تايبه‌ت ل دانێ ئێڤارى.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ دو هه‌تا سێ پلان نزمتر بيت ژ رۆژێن به‌رى نوكه بيت ب ره‌نگه‌كى د ناڤبه‌را 7 بۆ 12 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باشوورێ رۆژئاڤا بيت ب ره‌نگه‌كى دێ يێ ناڤه‌ندى و ب هێز بيت د ناڤبه‌را پێنج بۆ 20 كلم د ده‌مژمێره‌كێ ماوێ ديتنێ ژى دێ 3 كلم بيت و ل ده‌مێ به‌فر و بارانان دێ بيته 1 كلم.
