روماریو پێنج باشترین یاریکەر د مێژویا تەپا پێ دا ھەلبژارتن و بزانە مێسی و رونالدو ل گەل دانە
ئەڤرۆ نیوز:
ھێرشبەرێ بەرنیاس ل سەر ئاستێ جیھانی و ھەلبژارتیێ بەرازیل روماریو د دیدارەکێ دا ل گەل کەنالەکێ بەرازیلی پێنج باشترین یاریکەر د مێژویا تەپا پێ دا دیارکرن کو د ئەوان ھەلبژارتنان دا سپرایزەک ھەبوو ئەوژی ناڤێ ھەرسێ یاریکەرێن بەرنیاس ل سەر ئاستێ جیھانی دناڤدا نەبوون ئەوژی ھەر ئێک ژ یوھان کرویف یێ ھولەندی و لیونێل مێسی و رونالدو یێ پرتوگالی کو دیارکر ئەڤان یاریکەرا نەشیانە موندیالا جیھانێ ب دەستخوڤە بینن.
ھەردیسان د وێ لیستەیا وی دیارکری ناڤێ خوە ژی کربوو ل گەل ئەوان پێنج باشترین یاریکەران د مێژویا تەپا پێ دا و بەرەڤانی ژ خوەکر دیارکر بوو وی کەنالی ئەو ھەژی وێ چەندێ یە بیتە ئێک ژ پێنج باشترین یاریکەر ل جیھانی ژبەرکو مێژویەکا باش ل گەل ھەلبژارتیێ خوە و یانێن یاری لێ کری ھەیە .
ئەو ھەر پێنج یاریکەرێن ھەلبژارتیێن ھەر ئێک ژ بیلە، مارادونا، رونالدو یێ بەرازیلی، زێدان و ھەردیسان خوە ژی ھەلبژارت بوو.
سەبارەت نەیمار روماریو دیارکر نەیمار یاریکەرەکێ خودان شیان و ل نێزیک دێ ب تەپا زێری یا باشترین یاریکەرێ جیھانێ ھێتە خەلاتکرن و پاشەرۆژەکا گەش بۆ تەپا پێ یا بەرازیلی یا ھەی.
