روما دخوازیت ھەڤبەستا ڤی یاریزانێ ھەلبژارتیێ بەرازیل ئیمزا بکەت
ئەڤرۆ نیوز:
یانا روما یا ئیتالی ھزر ل ئینانا یاریزانێ ھەلبژارتیێ بەرازیل و یانا مانچێستەر یوناید قرید فوسکا کریە ل ڤەگوھاستنێن ھاڤینا ئەڤ سالە وەکو پێگوھور ل جھێ یاریزانێ وێ دی روسی .
مالپەرێ کاتشیو مێرکاتو یێ ئیتالی ئاشکراکریە راھێنەرێ پورتوگالی یێ نوو یێ یانا روما پاولو فونسیکا داخوازی ژ بەرپرسێن یانا روما کریە ب ھەڤبەستێ ل گەل یاریزانێ ھێلا ناڤینا ھەلبژارتیێ بەرازیل و یانا مانچێستەر یوناید قرید ئیمزا بکەن کو دبیت باشترین پێگوھورە ل جھێ یاریزانێ وێ یێ بەری نوکە دی روسی ئەوێ ھەڤبەستا ئەوی ل گەل وێ یانا ئیتالی ب دووماھیی ھاتی.
ھەردیسان ئەوێ رۆژنامێ ئاشکراکریە ژی یانا روما دبیت ب رێژەیا ھەرە مەزن ل سەر فروتنا ئەوی یاریزانێ خوە رازی بیت سەرەرای ئەوان ل ھاڤینا وەرزێ بوری ھەڤبەست ل گەل ئەوی یاریزانی ئیمزاکریە لێ دخوازن جارەکا دی ئەوی یاریزانی بفروشن و ل جھێ ئەوی ھەڤبەستێ ل گەل یاریزانەکێ دی ئیمزا بکەن.
ئەوێ رۆژنامێ ئاماژە ب وێ چەندێ ژی کریە یانا روما وەکو ھزرا دەستپێکێ دخوازن ئەوی یاریزانی ب شێوەیێ خواستن بوو ماوێ دو سالان بینە دناڤ رێزێن یانا خوە دا لێ یانا مان یوناید ب زەحمەت ل سەر وی مەرجێ یانا ئیتالی رازی بەن ژبەرکو ئەوان ل وەرزێ بوری ب کوژمێ ٦٠ ملیون یورۆیا ھەڤبەست ل گەل ئیمزاکربوو.
ھەژی گوتنێ یە فرید یێ ٢٦ سالی بەری نوکە یاری ل یانا ئەنترناشونال یا بەرازیلی کریە ل ٢٠١١ ھەتا ٢٠١٣ و ل سالا ٢٠١٣ ھاتیە ڤەگوھاستن بوو یانا شاختار دونیسک یا ئوکرانی و ل گەل وێ یانێ یێ بەردەوام بوو ھەتا ٢٠١٨ .
