روما ھەڤبەستا کوری پاتریک کلویڤرت ئیمزاکر
ئەڤرۆ:
یانا روما ب فەرمی ھەڤبەستا ستێرا گەنج یا ھولەندی و یانا ئەیاکس ئەمستردام جاستن کلویڤرت ئیمزاکر ئەوێ ل ھێلا ناڤین یاری کەت، پشتی یانا ئیتالی گەھشتی یە رێککەفتنێ ل گەل یانا ئەیاکس بۆ کرینا ئەڤی یاریزانی.
رۆژنامەیێن ئیتالی بەلاڤەکرینە یانا روما ھەڤبەستا کلویڤرت بۆ ماوێ پێنج سالان ئیمزاکریە بەرامبەر کوژمێ ٢٠ ملیون یورۆیا ل گەل زێدەکرنا پاداش ھەردیسان ھەر دەمێ یانا رۆما یاریزانێ ناڤبری ب فروشیت د ماوێ کێمتر ژ پێنج سالان یانا ھولەندی ماڤ پشکەکا ھەڤبەستا ئەوی بۆ یانا ئەیاکس ڤەگەریت.
ھەژی گوتنێ یە جاستن کلویڤرت نوکە دھێتە ھژمارتن ئێک ژ باشترین یاریزانێن گەنج ل سەر ئاستێ ئورۆپا و ھولەندا و پێشبینیەکا مەزن بۆ ڤی یاریزانی دھێتەکرن کو پاشەرۆژەکا گەش ل ناڤا یاریگەھێن ئورۆپی ھەیە ھژمارەکا مەزن یا یانێن ئورۆپی ئەڤ یاریزانە کربوو ئارمانجا خوە کو ل وەرزێ ئەڤ سالە د ژیێ ١٩ سالی دا پشکداری د ٣٠ یاریێن یانا ئەیاکس دا کربوو شیابوو دەە گولان توماربکەت و پێنج گولان ژی دروست بکەت کو یاریزانێ ناڤبری کورێ ستێرا بەرێ یا ھەلبژارتیێ ھولەندا بەرشەلۆنا پاتریک کلویڤرت .
