رونالدۆ: محه‌مه‌د سه‌لاح وه‌كو ميسى يه
ئه‌ڤرۆنيوز:
ستێرا هه‌لبژارتيێ به‌رازيلێ وريال مه‌دريد يێ به‌رێ رونالدۆ نازاريۆ داليما، به‌حسێ ياريكه‌رێ مسرى وهێرشبه‌رێ يانا لێڤه‌رپۆل يا ئينگليزى محه‌مه‌د سه‌لاح دكه‌ت ودبێژيت سه‌لاحى هه‌مان شيانين ميسى يێن هه‌ين.
رۆنالدوى بۆ رۆژناما (ماركا) يا ئيسپانى گۆت” ئه‌ز حه‌ز ژ محه‌مه‌د سه‌لاح دكه‌م چونكى وه‌كو ليونێل ميسى يه ومن يا زانى سه‌لاحى گوتيه كو ئه‌ز نموونێ وى بوونوكه‌يفا من ب ڤێ ئاخڤتنا وى هاتيه”
گۆت ژى” محه‌مه‌د سه‌لاح حه‌ز ژ تۆماركرنا گۆلان دكه‌ت وب پێ چه‌پێ ياريێ دكه‌ت وبه‌رده‌وام ته‌په نيزيك پييێن وى يه”.
ل دۆر پێشبينيا رونالدۆى بۆ ئه‌نجامێ ياريا دووماهيا قاره‌مانيا خۆلا قاره‌مانێن ئورۆپا كو ئه‌ڤ شه‌ڤه دێ دناڤبه‌را ريال مه‌دريد ولێڤه‌رپۆل دا هێته ئه‌نجامدان، گۆت” دێ ريال ب ئه‌نجامێ 3-2 بسه‌ركه‌ڤيت وئه‌ز يێ گه‌شبينم ب سه‌ركه‌فتنا ريال وب ده‌ستڤه‌ئينانا وى ناسناڤى بۆ جارا سيێ ل سه‌ر ئێك”.
دهێته زانين ستێرا به‌رێ يا به‌رازيلى (رونالدۆ) ياريكه‌رێ يانا ريال مه‌دريد بوو دناڤبه‌را سالێن 2002 – 2007.
