رووسیا و تورکیا ل سەر ئدلبێ ئاگربەست راگەهاند
ئەڤرۆ نیوز:
سەرۆک کۆمارێ تورکیا و سەرۆکێ رووسیا ل سەر ئاگربەستێ ل ئدلبێ رێککەفتن و ل دەمژمێر ١٢ ئەڤ شەڤە ئەو رێککەفتن دێ کەڤیتە د وارێ جێبەجێ کرنێ دا.
پشتی کۆمبوونا شاندێ بلند یێ تورکیا و رووسیا ل کۆچکا کرملین ل رووسیا، د کۆنگرەکێ هەڤبەش یێ رۆژنامەڤانیێ دا، ڤلادیمێر پۆتین سەرۆکێ رووسیا راگەهاند، رەوشا نوکە یا ئدلبێ پێدڤی ب کۆمبوونەکا ب ڤی رەنگی هەیە و گۆت ژی، پێدڤیە ئەڤ ڕەوشا نوکە بهێتە دەربازکرن و نەهێتە دوبارەکرن، و لگۆرەی وێ رێککەفتنێ دێ ئاگربەست هێتە راگەهاندن و رێکێن ئارام دێ ل ئدلبێ هێنە دروستکرن.
