روونشتنا پەرلەمانێ عیراقێ بۆ دەمەکێ نەدیار هاتە پاشخستن
ئەڤرۆ نیوز:
پشتی نیڤرۆیا ئەڤرۆ محەمەد تەوفیق عەلاوی گەهشتە پەڕلەمانێ عێراقێ و دهاتە چاڤەرێ کرن ژی دەنگ ل سەر بەربژارێن وەزارەتێن کابینا وی بهێتە دان، لێ ئەو کۆمبوونە بۆ دەمەکێ نەدیار هاتە پاشخستن.
هەروەسا هەر ل دەمێ گەهشتنا عەلاوی بۆ پەڕلەمانی، محەمەد حەلبوسی، سەرۆکێ پەرلەنانێ عێراقێ بەرهەڤ نەبوویە پێشوازیێ ل وی بکەت، لەوما حەسەن کەعبی، جێگرێ ئێکێ یێ سەرۆکێ پەڕلەمانی پێشوازی لێکریە، لەوما کۆمبوونا پەرلەمانی بۆ دەمەکێ دیتر هاتە پاشخستن.
ئەڤە د دەمەکێ دایە، کو پرانیا ئالیێن کوردی خوە ئێکلا کریە، کو د ژ حالەتێ برێڤەچوونا روونشتنا پەڕلەمانیدا، دەنگی ب کابینا عەلاوی نادەن، هەروەسا سونیان ژی ژ کۆما ٦٧ پەڕلەمانتاران تنێ ١٥ دێ بەرهەڤێ پڕۆسا دەنگدانێ بن ب کابینا نوو یا حکومەتێ، هەڤدەم د ناڤ شیعان ژی دا، هەر ئێک ژ فراکسیۆنا دەولەتا قانوونێ و عەسائیب ئەهلی حەق رەتکریە دەنگی ب کابینا نوویا عەلاوی بدەن.
