ريال مه‌دريد دێ سێ ياريكه‌رێن خوه قوربانى دى خيا كه‌ت
ئه‌ڤرۆنيوز:
رۆژنامه‌كا بريتانى راگه‌هاند، يانا ريال مه‌دريد يا ئيسپانى يا به‌رهه‌ڤه ئێك ژ سێ ياريكه‌رێن خوه بكه‌ته قوربانى وده‌ته يانا مانشسته‌ر يونايتد يا ئينگليزى ل به‌رامبه‌ر ده‌ست به‌ردانا مانشسته‌ر ژ گۆلپارێزێ خوه يێ ئيسپانى ديڤيد دى خيا.
رۆژناما (مانشسته‌ر ئيڤينينگ نيوز) به‌لاڤكر” يانا ريال مه‌دريد يا به‌رهه‌ڤه سێ ياريكه‌رێن خوه ب گولپارێزێ مانشسته‌ر دى خياى ئالۆگور بكه‌ت وب پێشكێشكرنا وان هه‌رسێ ياريكه‌ران كاريگه‌ريێ ل سه‌ر كارگێريا يانا ئينگليزى بكه‌ت بۆ ده‌ست به‌ردانێ ژ گۆلپارێزێ خوه”.
رۆژناما ناڤبرى دياركر ژى”گاريس بيل كو ئارمانجه‌كا به‌رده‌وامه بۆ مانشسته‌ر يونايتد، ناڤێ ئيكێ كا ريال دڤێت ئالوگوريێ پێ بكه‌ت، هه‌روه‌سا تيپا ئينگليزى يا رازيه ل سه‌ر ده‌ست به‌ردانا ريال مه‌دريد ژ هه‌ردو ياريكه‌ران يێ كرواتى لۆكا مۆدريتش ويێ ئه‌لمانى تونى گرۆس، به‌لێ ل گه‌ل ڤێ چه‌ندێ، دبيت راهێنه‌رێ مانشسته‌ر جوزێه مورينيۆ ده‌ست به‌ردارى دى خيا نه‌بيت، چونكى وه‌كو ياريكه‌ره‌كێ سه‌ره‌كى دپلانێن خوه دا دهژمێريت”.
