ريال مه‌دريد وئه‌تله‌تيكۆ مه‌دريد دياريه‌ك پێشكێشى به‌رشه‌لونا كر
ئه‌ڤرۆنيۆز:
ريال مه‌دريد دو خالێن دى ژده‌ستدان دخۆلا ته‌پا پێ يا ئيسپانى دا ده‌مێ ئه‌ڤ شه‌ڤه بێ گۆل ل گه‌ل يانا ئه‌تله‌تيكۆ مه‌دريد وه‌كهه‌ڤ بووى ل سه‌ر ئه‌ردێ وێ دياريێن گه‌را 12 ژ وێ خۆلێ.
ب ڤى ئه‌نجامى خالێن ريال مه‌دريد گه‌هشتنه 24 خالان وما ل رێزا سيێ پشتى به‌رشه‌لونا وڤالنسيا، ئه‌تله‌تيكۆ مه‌دريد گه‌هشته خالا 24 به‌لێ كێمتر گۆلان ژ ريال ل رێزا چارێ دهێت .
به‌رشه‌لونا ژى شيابوو ب سركه‌ڤيت ل سه‌ر يانا ليجانيس ب سێ گۆلان بێ به‌رامبه‌ر وخالێن خوه گه‌هاندنه 34 ل سه‌ر ليستا خۆلێ جهێ خوه ب شێوه‌كي ب هێز پاراست كو ب ڤي ئه‌نجامى ب 10 خالان ژ ريال مه‌دريد وئه‌تله‌تيكۆ مه‌دريد دووركه‌فت وحه‌فت خالان ژى ژ ڤالنسيا ئه‌وا ل رێزا دويێ دهێت ل سه‌ر ليستێ ب 27 خالان.
