رۆسیا داخوازا ٣٠ هزار سەربازێن دی ژ کۆریایا باکور کریە
سەرۆکێ ئۆکرانیایێ دیار کر، رۆسیا د بزاڤێن خوە دا یێن بۆ داگیرکرنا ئۆکرانیایێ دا تووشی شکەستنێن گەلەک مەزن هاتیە و ب هزاران سەربازێن رۆسیا جانێ خوە ژ دەست داینە و نها رۆسیا داخواز ژ کۆریا باکور کریە کو ٣٠ هزار سەربازێن دی رەوانەی بەرەیێن شەڕی بکەت، ئەو یەک د دەمەکێ دایە کو بەری نها چەند هزار سەربازێن کۆریا باکور د شەڕێ ل ئۆکرانیایێ دا جانێ خوە ژ دەست داینە.
زیلێنسکی ئەو یەک ژی دیار کر، گەلێ ئۆکرانیایێ ب هەموو رەنگەکێ ل دژی داگیرکەریا رۆسیا بەرخوەدانێ دکەت و ژ بەر ڤێ یەکێ ژی رۆسیا تووشی شکەستنێ بوویە و دڤێت ب رێیا سەربازێن کۆریا باکور بەردەوامیێ بدەتە شەڕی و ل هەمبەر دا لەشکرێ ئۆکرانیا یا پێدڤی بۆ پاراستنا وەلاتێ خوە دکەت.
سەرۆکێ ئۆکرانیایێ ئەو یەک ژی دیار کر، داخوازکرنا سەربازان ژ ئالیێ رۆسیا ڤە ژ کۆریا نیشا ددەت کو رۆسیا تا چ رادە د شەڕی دا تووشی زیانێن مەزن بوویە و بێگومان ب هاتنا چەند هزار سەربازێن دی ژی چو تشتەک ناهێتە گوهۆڕین.
