رۆسیا هۆشداریێ ددەتە تورکیا و ئەمریکایێ
پەیڤدارا وەزارەتا دەرڤە یا رۆسیا دیار کر، وان زانیاری وەرگرتینە کو ئەمریکا یێ بزاڤان دکەت پشکەک زێدە ژ وان چەکێن پێشکەفتی یێن ئەمریکا کو ل تورکیا نە دەربازی ئۆکرانیێ بکەت، هەکە تشتەک وەسا روو بدەت دێ کاریگەریەکا گەلەک خراب ل پەیوەندیێن تورکیا و رۆسیایێ کەت و دڤێت تورکیا رێ نەدەت تشتەک وەسا روو بدەت.
ماریا زاخارۆڤا ئەو یەک ژی دیار کر، رۆسیا ژ نێزیکڤە چاڤدێریا رەوشێ دکەت و نابیت تورکیا رێ بدەت چەکێن ئەمریکا دەربازی ئۆکرانیایێ ببن، ئەو یەک ژ ئالیێ رۆسیا ڤە ب چو رەنگەکێ ناهێتە قەبوول کرن و دێ کاریگەریا خوە یا گەلەک خراب ل سەر پەیوەندیێن تورکیا و رۆسیا هەبن و دڤێت تورکیا خوە ژ کارەکێ وەسا دوور بکەت.
پەیڤدارا وەزارەتا دەرڤە یا رۆسیا ئەو یەک ژی دیار کر، وەکو رۆسیا ئەو تێناگەهن کا بۆچی دێ تورکیا رێ دەت تشتەک وەسا بهێتە کرن، چونکی گەهشتنا وان چەکان بۆ ئۆکرانیایێ دێ بیتە ئەگەرێ دژواربوونا شەڕی.
