رۆژا جیهانیا مۆزیكێ ل مالا دانعه‌مران هاته ساخكرن
ئه‌ڤرۆنیۆز، هه‌رهین محه‌مه‌د:
رێڤه‌به‌ریا هونه‌رێ مۆزیكێ یا كو ب سه‌ر رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ دوهى ل روژا سێ شه‌مبى ل رێكه‌فتى 1/10/2019 ده‌مژمێر سى ئێڤارى ل مالان دانعه‌مران رۆژا جیهانیا مۆزیكێ ب ژه‌نینا مۆزیك وبه‌لاڤكرنا گۆلان ل سه‌ر دانعه‌مران هاته ساخكرن.
سه‌مه‌دار مائى، رێڤه‌به‌رێ هونه‌رێ مۆزیكێ ل دهۆكێ بۆ ئه‌ڤرۆ نیۆز گۆت: ئه‌ڤ ساله رۆژا جیهانیا مۆزیكێ ل مالا دانعه‌مران هاته ساخكرن دا كو ئه‌و نه‌هێنه ژبیركرن و وان ژى هه‌ست پێ كر ئه‌و نه‌هاتینه ژبیركرن، له‌ورا ب هه‌لكه‌فتا رۆژا جیهانیا مۆزیكێ چه‌ند چالاكى ب مۆزیك و ستران و به‌لاڤكرنا گۆلان ل مالا دانعه‌مران هاته‌كرن و یال سه‌ر مه هه‌موویان پێدڤیه ئه‌م خوه ل ڤێ ته‌خێ بكه‌ینه خودان، چونكو ئه‌ڤه ته‌خه‌كه ئه‌م كه‌مته‌رخه‌مین ده‌رحه‌قێ وان دا، له‌ورا مه فه‌ردیت ڤێ رۆژى دناڤ وان دا ساخبكه‌ینه ڤه.
هێشتاژى گۆت: رۆژا جیهانیا مۆزیكێ یا هاتیه ده‌ستنیشانكرن ژلایێ رێكخراوێن نه‌ته‌وێن ئێگرتى ڤه‌ن ژبۆ وێ ئێكى دانعه‌مر ژى نه‌هێنه ژبیركرن و هه‌ردیسان دڤێ رۆژى دا رۆژا جیهانیا داعه‌مرانه ژى له‌ورا ئه‌ڤ رۆژه هه‌ر ل جهێ وان هاته ساخكرن و دانعه‌مران ژى هه‌ست بخوه‌شیێ و كه‌یفێ كرو هه‌ست پێ كر كو نه‌هاتینه ژبیركرن خه‌لك هه‌بوونا ڤان رۆژان ژى رامان ژبووو هه‌یه نه بتنێ مۆزیك بهێته‌ژه‌نین و ده‌مه‌كێ خوه‌ش بورینن، به‌لكو مكه‌ره‌م ژێ ئه‌وه ئه‌و جهێن ڤالا ژ مۆزیكێ بهێن پركرن ژده‌نگێن مۆزیكێ.
سباح محه‌مه‌د عه‌لى، رێڤه‌به‌رى مالا دانعه‌مران گۆت: گه‌له‌ك كه‌یفا دانعه‌مران هات كو مۆزیك و ستران بۆ هاتنه ژه‌نین و گۆتن و ب ئانه هیا خودێ هه‌رسال رۆژا جیهانیا مۆزیكێ و رۆژا جیهانیا دانعه‌مران دێ پێكڤه كه‌ین و سوپاسیه‌كا بێ سنور ل رێڤه‌به‌ریا گشتى یا ره‌وشه‌نبیرى و هونه‌رى دكه‌ین كوب ڤى كارى رابووین .
