رۆژا جیھانی یا ئافرەتان ل زاخۆ ھاتە ساخکرن
ئەڤرۆ نیوز، عەلی حاجی :
ب ھەلکەڤتا ٨ی ئادارێ روژا جیھانیا ئافرەتان ب ئامادەبوونا ھژمارەکا ئاڤرەتێن زاخۆ، ئەڤرۆ رۆژا پێنجشەمبیێ رێککەڤتی ٧/٣/٢٠١٩ ئێکەتیا ئافرەتێن کوردستانێ ئەنجوومەنێ زاخۆ ل ژێر درووشمێ ھەڤسەنگی ل پێناڤی ژیانەکا باشتر ئاھەنگەک بۆ ھژمارەکا ئافرەتێن دەڤەرێ ساز کر .
فاتیما فکری بەرپرسا ئەنجوومەنێ زاخۆ یا ئێکەتیا ئافرەتێن کوردستانێ بۆ ئەڤرۆ نیوز دیار کر ل روژا ٨ی ئادارێ دا وەکو ئێکەتیا ئافرەتان مە درووشمەکێ رون ھەیە ل پێناڤی زێدەتر ب دەستڤە ئینانا مافێن ئافرەتێ و پێدڤیە ژ روویێ جڤاکی ڤە مافێ ئافرەتێ و زەلامی یێ ھەڤسەنگ بیت و ئافرەت زێدەتر رۆلێ خوە بگریت بۆ دەستەبەرکرنا ماڤێن خوە و ئەڤ پێنگاڤە ژی پێدڤی ب وێرەکیا ئافرەتێ ھەیە.
ناڤھاتی زێدەتر گوت: (ئافرەتا کورد رۆلێ خوە دیتیە د ھەمی بیاڤان دا لەورا ئەم دخوازین نموونێن وەکی ئافرەتێن نمونە بمینن دناڤ جڤاکی دا ئەو ژی ژلایێ خوە ببنە رێ خوەشکەرەک بۆ ئافرەتێن دیتر).
