رۆژناما تایمز یا بریتانی ناڤێ وان ده‌ولەتان ئاشکرادکەت یێن که ب نهێنی پشتگیریا سه‌ربه‌خۆیێ دکهن
ئەڤرۆ نیۆز،زنار تۆڤی:
رۆژناما تایمز یا بریتانی د چاپا خوە دا بەلاڤکریە کو چه‌ند ده‌ولەتێن عه‌ره‌بی و دهولەتا ئیسرائیلێ کار بۆ سه‌ربه‌خۆیا دهولەتا کوردستان دکهن.
وێ رۆژنامێ نڤێسیە کو ئسرائیل ب ئاشکرایی و سعودیه ژی ب نهێنی و ب ته‌مامی پشتگیریا سه‌ربه‌خۆیا هه‌رێما کوردستان دکهن و بۆ ڤێ مه‌به‌ستێ ژی گەلەک هه‌ول داینە.
هۆکارێن پشتگیریا سه‌ربه‌خۆیێ بۆ هه‌ر ئێک ژ وان ده‌ولەتان پێک دهێت ژ هندێ کو وان دڤێت د ڤێ دەڤەرێ دا هەڤپه‌یمانەکێ سیاسی و سه‌ربازی بۆ دروستببیت.
ئەو رۆژنامه دبێژیت ژی سه‌رۆک وه‌زیرێن ئسرائیلێ بنیامین نه‌ته‌نیاهۆ ب ئاشکرایی پشتگیریا سه‌ربه‌خۆیا هه‌رێما کوردستانێ دکەت،ژبلی سعودیە،کو سه‌رۆکێ ناڤەندا ئیماراتێ بۆ سیاسه‌تێ ئیبتسام که‌ته‌بی راگەهاندیه کو ئه‌ڤ سالە مژۆلی ئیمزاکرنا لێک تێگه‌هشتنەکێنە دناڤبەرا ئیماراتێ و کوردستانێ دا بۆ ئه‌نجامدانا ریفراندۆما سه‌ربه‌خۆیا هه‌رێما کوردستانێ،ژبلی هندێ ژی چه‌ندین به‌رپرسێن ئیماراتی ب ئاشکرایی بەحسێ وێ پشتگیریێ کریه.
هەروەسا رۆژناما تایمز بەحسێ هندێ ژی کریە کو ئه‌بو زه‌بی ب هه‌موو شیانێن سیاسی و دارایی پشتگیریا سه‌ربه‌خۆیا کوردستانێ دکەت.
بریاره ل ٢٥ ئیلۆنێ ریفراندۆما سه‌ربه‌خۆیا کوردستانێ بهێته ئەنجامدان.
