رۆژناما ده‌یلى تلگراف: فه‌رمانبه‌ره‌كێ قه‌ترى پشته‌ڤانیا یا تيرۆرستێن عیراقێ و سووریا دكه‌ت
ئه‌ڤرۆ نیۆز:
رۆژناما ده‌یلى تیلگراف یا به‌ریتانى ئاشكراكر، فه‌رمانبه‌ره‌كێ به‌نكا وه‌لاتێ قه‌تره‌ى ب ناڤێ (خه‌لیفه محه‌مه‌د تركى ئه‌لسوبیعى) ب كارێ پشته‌ڤانیا دارایى یا تیرۆرستێن ل سووریا و عیراقێ رادبیت، هه‌ڤده‌م دیاركر، هه‌مان ئه‌و كه‌س ب كارێ پشته‌ڤانیا تیرۆرست(خالد شێخ محه‌مه‌د) مه‌ژى دانه‌رێ هێرشێن 11 سه‌بته‌مبرێ ل سالا 2001 ێ بوویه.
ل گۆڕ دكیومێنتێن وه‌زاره‌تا خه‌زینه‌یا ئه‌مریكى ئاشكراكرین، په‌یوه‌ندیه‌كا باش د ناڤبه‌را سوبیعى و تیرۆرستان دا هه‌یه ب تایبه‌تى پشته‌ڤانیا دارایى ل گه‌ل لقێ رێكخستنا قاعیده یا تیرۆرى ل وه‌لاتێ سووریا بۆ بجهئینانا كریارێن په‌قاندنا فرۆكێن بارهه‌لگرێن سڤیل ب رێیا ده‌ربازركرنا كه‌رستێن په‌قاندتێ د ناڤ كارتونێن مه‌عجوونا پاقژكرنا ددانان بوویه، لێ ل حه‌فتیا بۆرى هێرشێن ئه‌مریكى بۆ سه‌ر بنگه‌هێن قاعیده ل سووریا ئه‌و پلان تێكدان.
رۆناما ناڤبرى ئاماژه‌دا هندێ ژبه‌ر وێ گونه‌هباریا پشته‌ڤانیكرنا تیرۆرستان و نه‌كونترۆلكرنا وه‌لاتیێن قه‌ترى ژ ئالیێ جوكمه‌تا قه‌ترێ ڤه دبیت وه‌لاتێ قه‌ترێ ب كه‌ڤیته به‌ر سزایێن ئابوورى یێن نه‌چاڤه‌رێ كرى.
