رۆژنامەیەكا ئیراقی: حوكمەتا فیدرال دزانیت ئەو گرۆپێن چەكدار یێن هێرشی سەر هەرێما كوردستانێ كرین كینە
ل گۆر رۆژنامەیا (ئەلمەدا) یا ئیراقی دەستهەلاتدارێن بەغدایێ نێزیك بوینە ژ ئەنجامدانا ئۆپەراسیۆنەكا ئێكلاییكەر بۆ دەستەسەركرنا وان كەس و ئالیێن ل پشت هێرشێن ل سەر هەرێما كوردستانێ بڕیارا دەستەسەركرنێ هاتییە دان و پێشبینی دكەن حوكمەت ناڤێن تۆمەتباران بۆ رایا گشتی ئاشكرا بكەت و ل دووڤ پێزانینان هەرێما كوردستانێ دەمێ چار مەهایە لیستەكا ناڤان رادەستی بەغدایێ كریە و هەتا نها چو پێرابوونێن جدی بەرامبەر ب وان چەكدارێن ل دەرڤەی یاسایێ نەهاتینە وەرگرتن و د ڤان پێنج مەهێن بۆری دا 90 هێرش ل سەر هەرێما كوردستانێ هاتینە كرن و نزیكی 170 قوربانی ژێ كەفتینە ئەڤ چەندە بویە ئەگەرێ وێ چەندێ كو كۆمپانییا دانەغاز بەرهەمئینانێ ل زەڤییا كۆرمۆرێ یا غازێ ب شێوەیەكێ دەمكی راگریت و ل سەر ئاستێ فەرمی عەلی زەیدی سەرۆك وەزیرێن ئیراقی هێرش ب توندی پرۆتەستۆ كرینە و هەرێما كوردستانێ ژی ئەڤ هێرشە ب بنپێكرنا زەق یا سەروەرییا وەلاتی داناینە و ل روویێ سیاسی و دیپلۆماسی ڤە پێشهاتێن ئەمنی خشتەیێ سەرەدانا زەیدی بۆ واشنتۆنێ راستڤەكریە و پێشبینی دهێتە كرن ناڤهاتی پشتی ئەمریكا سەرەدانا تەهرانێ ژی بكەت و ژ ئالییەكێ دی ڤە هێزێن ئەمنییێن ئیراقی چاڤدێریا حەفت بۆ 10 گرۆپێن چەكدار یێن نێزیك ژ ئیرانێ دكەن كو ترسا ئەنجامدانا هێرشێن بەرفرەهتر هەیە هەكە گورزێن ئەمریكا بۆ سەر ئیرانێ بەردەوام بن ئەڤە د دەمەكی دایە كو گرۆپەكا چەكدار یا ئیراقی پاداشتەكا 10 ملیۆن دۆلاری دیار كریە بۆ هەر كەسێ دۆنالد ترەمپی سەرۆكێ ئەمریكا بكوژیت.
