رۆژنامە نڤێسەکێ ئەمریکی:ئیدارا ترەمپی نامەکا نهێنی بۆ عەبادی هنارتیە
ئەڤرۆ نیۆز،زنار تۆڤی:
رۆژنامەنڤیسەکێ ناڤدارێ ئەمریكی ئاشكرا كریە کو ئیدارا دۆنالد ترەمپی سەرۆكێ ئەمریكا دەربارەی ریفراندۆما سەربەخۆیا كوردستانێ، نامەیەک بۆ حەیدەر عەبادی سەرۆك وەزیرێن عێراقێ هنارتیە و داخوازا هێمنکرنا ئالۆزیان ژێ كریە ل گەل هەرێما كوردستانێ.
ئیلی لایك رۆژنامەنڤیسێ ئەمریكی د گۆتارەکێ دا كو ل تۆرا میدیایی یا(بلومبێرگ) یا ئەمریكیدا بەلاڤکریە و دایە دیارکرن،کو واشنتۆن نامەیەكا نهێنی ب رێیا بالیۆزێن هەردو وەلاتان بۆ عەبادی هنارتیە.
وی رۆژنامەنڤێسی تەنگژەیا نوکە یا سەربەخۆیا هەرێما كوردستانێ ب گرنگ وەسف كریە و داخوازکریە کو ئەمریكا ل سەر ئاستێ سەرۆكی یان وەزیرێ دەرڤە دا پەیاما هەڤشێوە بۆ عەبادی ب هنێریت، بۆ هندێ کو بلەز جهێ خۆ بگریت.
وی رۆژنامەنڤێسێ ئەمریکی داخواز ژ ئیدارا وەلاتێ خۆ کریە،کو هێزا زێدەتر یا دبلۆماسی ب كار بینیت بۆ پاراستنا كوردان،کو هەڤپەیمانەکا گرنگ یا ئەمریكانە. هەروەسا نڤێسیە د وێ ناما نهێنی یا ئەمریكا دا بەحسێ حوکمەتا ئەنقەرە ژی كریە،کو دڤێت گرژیان بۆ سەر هەرێما كوردستانێ كێم بكەن.