رۆژی گرتنا زه‌رده‌شتیا جودایه ژ هه‌ر رۆژی گرتنه‌كێ
ئه‌ڤرۆ نیوز، ره‌مه‌زان هه‌رنی:
ل كوردستانێ هه‌شت ئایین هاتینه تۆمار كرن و پرانیا وان ئایینا ژی ل وه‌زاره‌تا ئه‌وقاف و كاروبارێن ئایینی نوونه‌رێن خوه هه‌نه ئێك ژ وان ئایینا زه‌رده‌شتینه كو جودا هه‌یڤێ چوار رۆژا ب رۆژی دبن نوونه‌را زه‌رده‌شتیا به‌حسێ داب و نه‌ریتا رۆژیا زه‌رده‌شتیا دكه‌ت ل كوردستانێ .
ئاوات حوسامه‌دین نوونه‌را زه‌رده‌شتیا ل كوردستانێ و وه‌زاره‌تا ئه‌وقاف و كاروبارێن ئاینی بۆ ئه‌ڤرۆ نیوزگوت: (رۆژی گرتن ژلایێ زه‌رده‌شتیاڤه جودایه ب باوه‌ریا مه دوركه‌ڤتن ل خوارنێ و ڤه‌خوارنێ دروست نینه ژ به‌ر كو كاریگه‌ریه‌كا خراب ل سه‌ر له‌ش و چالاكیا مرۆڤی دروست دكه‌ت و سایكۆلۆژیا مرۆڤی ب خوارنێ و ڤه‌خوارنێ ڤه گرێدایه) .
گوتژی زه‌رده‌شتی ل ده‌مێ ب رۆژی بوونێ دا ب تنێ گوشتێ سۆر ناخوون ل هه‌ر هه‌یڤه‌كێ دا چوار رۆژان دوور دكه‌ڤن ل خوارنا گوشتا سۆرێ ئاژه‌ڵان، رۆژێن وێ ژی ئه‌ڤه ل هه‌ر هه‌یڤه‌كێ رۆژا دویێ و رۆژانێ دوازدێ و رۆژا چواردێ و رۆژا بیست و ئێكێ د ساڵه‌كێ دا 48 جارا گوشتێ سۆر ناخووین .
ته‌كه‌زكر مه‌به‌ست ل نه‌خوارنا گوشتێ سۆر پاراستنا سامانێ ئاژه‌ڵیه د هه‌مان ده‌مدا پاراستنا ساخله‌میا مرۆڤیه له‌ورا ژی ل وان چوار رۆژێن هه‌یڤێ دا ڤه‌كوشتن و قوربانیكرنا ئاژه‌ڵان قه‌ده‌غه‌یه ل ئایینێ زه‌رده‌شتی دا.
