ریال ب فەرمی ھەڤبەست پێشکێشی ڤێ یانێ کر بوو ڤەگوھاستنا ستێرەکا جیھانی
ئەڤرۆ نیوز:
ریال مەدرید ب فەرمی دەست ب دانوستاندنان کر بوو ڤەگوھاستنا ستێرا بەلجیکی و یانا چێلسی یا ئنگلیزی ئادین ھازارد و رۆژناما زەسەن یا برێتانی ئاشکراکریە یانا ریال مەدرید ب فەرمی ھەڤبەستا ئێکێ بەرھەڤکریە و بریارە ل چەند رۆژێن بھێت پێشکێشی یانا چێلسی بکەت بوو ڤەگوھاستنا ئەوی یاریزانی بۆ یانا مەلەکی ل ھاڤینا بھێت.
ئەوێ رۆژنامێ ئاشکراکریە ژی د ھەڤبەستا دەستپێکێ ریال مەدرید کوژمێ ٧٠ ملیون جینێ ئیسترلینی دێ پێشکێشی وێ یانا ئنگلیزی دکەت ھەر چەندە ئەو باش د زانن ئەو کوژمێ پارەی یێ دورە ژ بھایێ ھەلوەشاندنا ئەوی یاریزانی و ب رێژەیا ھەرە مەزن دێ ئەو ھەڤبەست ھێتە رەتکرن ژلایێ یانا چێلسی ڤە لێ ریال مەدرید دخوازیت پێنگاڤ پێنگاڤ دانوستاندنان ل گەل چێلسی بکەت تایبەت پشتی یاریزانی ب فەرمی حەزا خوە دیارکری بوو کرنا یاریێ ل یانا ریال مەدرید تایبەت پشتی ھاتنا زێدان کو ئەوی یاریزانی بەری نوکە دیارکر بوو کرنا یاریێ ب سەرپەرشتیا زێدان خەونا وی یە.
ھەژی گوتنێ یە یانا چێلسی کوژمەکێ مەزن پێشکێشی ھازارد کریە بوو نووکرنا ھەڤبەستا خوە لێ ئەوی یاریزانی ئەو چەندە رەتکریە و حەزا چوونێ ھەیە ل دەستپێکا وەرزێ بھێت ل دیڤ رۆژنامەیێن نێزیکی یانا چێلسی بھایێ ھەلوەشاندنا ھازارد دبیت ب گەھیتە دناڤبەرا ١٠٠ ملیون ھەتا ١٢٠ ملیون جینێ ئیسترلینی
