ریال مه‌درید كوژمێ 75 ملیون یورۆیا بۆ ڤى ستێرا خۆلا ئه‌لمانى به‌رهه‌ڤكرینه
ئه‌ڤرۆ نیوز:
راپورتێن رۆژنامه‌ڤانى ئاشكراكرینه یانا ریال مه‌درید دخوازیت ل ڤه‌گوهاستنێن هاڤینا بهێت هه‌ڤبه‌ستێ ل گه‌ل هێرشبه‌رێ گه‌نچ یێ نه‌رویجى و یانا بوروسیا دورتموند ئیرلینگ هالاند ئیمزا بكه‌ت و به‌رپرسێن یانا ریال كوژمێ 75 ملیون یورۆیا بۆ ڤه‌گوهاستنا ئه‌وى یاریزانى به‌رهه‌ڤكرینه.
هالاند د داخویانیه‌كێ دا بۆ گوڤارا فور فور تو سه‌باره‌ت ڤه‌گوهاستنێن بهێت ناڤبرى دیاركر هژماره‌كا یانێن مه‌زن گرنگى ب شیانێن ئه‌وى دایه و ئه‌ڤ چه‌نده ژى بۆ وێ چه‌ندێ ڤه‌گه‌ریت ئه‌و شیایه كاره‌كێ باشتر ل گه‌ل یانا خوه یا نوو بكه‌ت .
هه‌ردیسان ناڤبرى دیاركر ژى ئه‌و هه‌ر ژ زاروكینیا خوه ژ حه‌ژێكه‌رێن ستێرا سویدى ئیبراهیموڤیچ یه كو گه‌له‌ك ب ئاستێ وى یاریزانى داخباره .
هه‌ژى گوتنێ یه هالاند پشتى ل ڤه‌گوهاستنێن زڤستانا بورى ژ یانا سالزبورگ په‌یوه‌ندى ب یانا بوروسیا دورتموند كرى و ل 9 یاریێن خوه یێن ده‌ستپێكێ ل گه‌ل وێ یانێ شیایه 12 گولان توماربكه‌ت كو ل وه‌رزێ ئه‌ڤ ساله ل گه‌ل هه‌ردو یانێن بوروسیا دورتموند و سالزبورگ شیایه 40 گولان توماربكه‌ت ژ 31 یاریان .
