ریال مه‌درید و ئه‌رسینال هه‌ڤركیا ڤى یاریزانه‌كێ ئیسپانى دكه‌ن
ئه‌ڤرۆ نیوز:
هه‌ردو یانێن ریال مه‌درید و ئه‌رسینال هه‌ڤركیا ب ده‌ستڤه ئینانا به‌ره‌ڤانه‌كێ گه‌نچ یێ هه‌لبژارتیێ ئیسپانى یێ ئێكێ دكه‌ن .
رۆژناما دون بالون یا ئیسپانى دیاكریه هه‌ر ئێك ژ یانێن ئه‌رسینال و ریال مه‌درید دخوازن هه‌ڤبه‌ستێ ل گه‌ل ستێرا هێلا به‌ره‌ڤانیا یانا ڤیاریال پاو توریس ئیمزا بكه‌ن .
هه‌ردیسان وێ رۆژنامێ دیاركریه ژى یانا ریال مه‌درید دخوازیت هه‌ڤبه‌ستێ ل گه‌ل به‌ره‌ڤانه‌كێ نوو ئیمزا بكه‌ن وه‌كو پێگوهورێ راموس و ڤاران تایبه‌ت پشتى یاریزانێ به‌رازیلى یێ نوو میلیتاو نه‌شیاى وى ئاستێ چاڤه‌رێكرى ل گه‌ل یانێ پێشكێش بكه‌ت.
پاو تورێس ژبه‌ر وى ئاستێ وى یێ بلند ل وه‌رزێ ئه‌ڤ ساله پێشكێشكرى ژلایێ راهێنه‌رێ هه‌لبژارتیێ ئیسپانیا هاتبوو داخوازكرن بوو یاریێن ڤاڤارتنێن یورۆیا 2020.
ژلایه‌كێ دیڤه رۆژناما زه‌سه‌ن یا برێتانى دیاركریه یانا ئه‌رسینال گرنگیه‌كا مه‌زن ب ڤه‌گوهاستنا ئه‌وى یاریزانى دایه ل ڤه‌گوهاستنێن زڤستانا بهێت پشتى راهێنه‌رێ وێ یانێ داخوازى ژ به‌رپرسێن وێ یانێ كرى هه‌ڤبه‌ستێ وى یاریزانى ئیمزا بكه‌ن.
هه‌ردیسان وێ رۆژنامێ دیاركریه ژى نوكه بهایێ هه‌لوه‌شاندنا هه‌ڤبه‌ستا وى یاریزانى نوكه 43 ملیون جینێ ئیسترلینى یه .
تورێس یێ 22 سالى ل رۆژا دوشه‌مبیا بورى ئێكه‌م یاریا خوه یا نیڤده‌وله‌تى ل گه‌ل هه‌لبژارتیێ ئیسپانیا كر ده‌مێ ل ده‌قیقا 60 هاتیه دناڤ یاریێ دا و پاش ب سێ ده‌قیقان شیا گوله‌كێ توماربكه‌ت دوێ یاریێ دا ئه‌وا ئیسپانیا شیا سه‌ركه‌فتنێ ل سه‌ر مالتا توماربكه‌ت ب حه‌فت گولان بێ به‌رامبه‌ر .
