ریال مه‌درید و به‌رشه‌لۆنا و مان یونایتد بێ هیڤى بوون ژ ده‌ستڤه ئینانا ڤى ستێرا ئنگلیزى
ئه‌ڤرۆ نیوز:
ستێرا یانا بوروسیا دورتموند یا ئه‌لمانى جادون سانشو نوكه بوویه جهێ گرنگیا هژماره‌كا یانێن به‌رنیاس ل سه‌ر ئاستێ ئورۆپا كو هه‌رسێ یانێن ریال مه‌درید و به‌رشه‌لۆنا و مانچێسته‌ر یونایتد گرنگیه‌كا مه‌زن ب شیانێن ئه‌وى یاریزانى داینه بوو ڤه‌گوهاستنا ئه‌وى یاریزانێ ئنگلیزى ل ڤه‌گوهاستنێن بهێت.
سه‌رۆكێ یانا بوروسیا دورتموند مایكل زورك بوو مالپه‌رێ مانچێسته‌ر ئیڤاینیگ نیوز دیاركر د هزرا ئه‌وان دا نینه ئه‌و ده‌ستا ژ ستێرا خوه یا گه‌نچ سانشو به‌رده‌ن ل ڤه‌گوهاستنێن بهێت .
هه‌ردیسان سه‌رۆكێ وێ یانا ئه‌لمانى ئاشكراكریه ژى ئه‌وان كومبوون ل گه‌ل وى یاریزانێ خوه هه‌یه ل چه‌ند رۆژێن بهێت و د هزرا ئه‌وان دا نینه ئه‌و ب سانه‌هى ده‌ستا ژ وى یاریزانێ خوه به‌رده‌ن و دخوازن بوو ده‌مه‌كێ درێژ ئه‌و یاریزان ل گه‌ل ئه‌وان دا بمینت.
ب وێ داخویانیا سه‌رۆكێ یانا بۆروسیا دورتموند هه‌ر ئێك ژ یانێن مان یونایتد و هه‌ردو جه‌مسه‌رێن ئیسپانیا به‌رشه‌لۆنا و ریال مه‌درید بێ ئومێد كرن ئه‌وێن هزر ل ئینانا ئه‌وى یاریزانى كرى ل ڤه‌گوهاستنێن زڤستانا بهێت.
هه‌ژى گوتنێ یه ل ماوێ چه‌ند رۆژێن بورى رۆژنامه‌یێن برێتانى دیاركر بوون به‌رپرسێن یانا مان یونایتد كوژمێ 100 ملیون یورۆیا بوو ڤه‌گوهاستنا جادون سانشو به‌رهه‌ڤكربوون لێ ب وێ داخویانیا سه‌رۆكێ وێ یانا ئه‌لمانى به‌رپرسێن مان یونایتد بێ هیڤى كرن.
