ریال مەدرید ئەڤ کوژمێ پارەی بوو مباپێ تەرخانکریە
ئەڤرۆ نیوز:
رۆژنامەکا فرەنسی دیارکریە یانا ریال مەدرید ب فەرمی دەست ب لڤینا کر بوو دەستڤە ئینانا ستێرا فرەنسی و یانا پاریس سانجێرمان کیلیان مباپێ بۆ مێرکاتویا ھاڤینا ئەڤ سالە.
رۆژناما فرانس فتبول یا فرەنسی دیارکریە یانا ریال مەدرید دەست ب لڤینا کریە و کوژمەکێ مەزن یێ پارەی بوو ئەوی ستێرا فرەنسی مباپێ بەرھەڤکریە کو د گەھیتە ٢٨٠ ملیون یورۆیا و ھەکە ئەو ھەڤبەست سەرگرت ئەو یاریزان دێ بیتە گرانترین یاریزان د مێژویا تەپا پێ دا .
وێ رۆژنامێ ئاشکراکریە ژی یانا ریال مەدرید دخوازیت بوو وەرزێ بھێت ب ھێز بھێتە دناڤ ھەڤرکیێن دەستڤە ئینانا ناسناڤێن نافخوی و ئورۆپی پشتی ل وەرزێ ئەڤ سالە نەشیای چ ناسناڤان ب دەستخوڤە ببەت .
ھەژی گوتنێ یە مباپێ ل ھاڤینا ٢٠١٧ ب کوژمێ ١٨٠ ملیون یورۆیا ژ یانا موناکو ھاتبوو ڤەگوھاستن بو ناڤ رێزێن یانا پاریس سانجێرمان.
