ریال مەدرید بۆ یاریا ئەڤ شەڤە بریارەکا مێژوی دا
ئەڤرۆ نیوز:
کارگێریا یانا ریال مەدرید پشتی بورینا ١٨ سالان و دورخستنا بەشێ ئولتراس سور یێ تایبەت ب ئەوان جەماوەرێن یانا ریال مەدرید ڤە جارەکا دی یانا مەلەکی بریار دا بۆ یاریا ئەڤ شەڤە ل یاریا بەرامبەر ڤولڤسبورک بەشێ ئولتراس سور یا تایبەت ب جەماوەرێن یانا ریال مەدرید ڤە بھێتە دانان کو پێکھاتی نە ژ چەند جەماوەر و دلسوزێن یانا ریال مەدرید کو ل درێژاھیا ٩٠ دقیقا سترانێن تایبەت ب ریال مەدرید و ھەردیسان پشتەڤانیەکا دژوار دکەن دناڤا یاریگەھێ دا .
ھەژی گوتنێ یە ل سالا ١٩٩٨ کارگێریا یانا ریال مەدرید بریار دا بوو بەشێ ئولتراس یا سور ل یاریگەھا ریال مەدرید بھێتە راوستاندن ژبەر ئەو شەرو و تێکدانێن دناڤا یاریگەھێ دا ل وێ سالێ رویدان ئەگەر ژی ئولتراس بوو.
ئولتراس سور ل سالا ١٩٨٠ ژلایێ چەند جەماوەرێن ریال مەدرید ڤە ھاتیە دروستکرن ئەو پشتەڤانێن خوە ل بەشەکێ یاریگەھێ کومدکەن بەری یاری ب چەند خولەکان پشتەڤانیێ دکەن ب دژواری ھەتا دووماھیا یاریێ ھەردیسان پشتی یاری ب دووماھی دھێت بەردەوام پشتەڤانیا یاریکەرێن خوە دەسخوشی لێدکەن تایبەت ل دەمێ سەرکەفتنا .
