ریال مەدرید دێ ھەڤبەستا چار یاریزانێن خوە نوو کەت
ئەڤرۆ:
یانا ریال مەدرید پشتی ناسناڤێ قارەمانیا یانێن ئورۆپا قارەمانێن خولا ب دەستخوڤە بری دڤێت بۆ وەرزێ بھێت ھەڤبەستا چەند ستێرێن یێن ئەڤ سالە زێدەبکەت کو سەرکێشێن ئەوان ھەردوکان کریستانو رونالدو گارس بێل.
رۆژناما ئاس یا ئیسپانی دیارکری یە نوکە دانوستاندن دناڤبەرا بریکارێ یاریزانێ وێلزی و یانا مەلەکی دا ھەنە و یانا ریال دخوازیت ھەڤبەستا بێل درێژ بکەت ھەتا ٢٠٢١ کو بریارە ھەڤبەستا وی ل ھاڤینا ٢٠١٩ ب دووماھی بھێت و ھەر وێ رۆژنامێ دیارکری یە ژی یانا گەھشتی یە رێککەفتنا دەستپێکی ل گەل ستێرا خوە رونالدوی ھەڤبەستا وی بھێتە درێژکرن ھەتا سالا ٢٠٢١ و رونالدوی ژی رازەمەندیا خوە ل سەر ڤێ داخوازیێ دیارکری یە کو یانا مەلەکی دێ موچەیێ وان یێ سالانە زێدەکەت یێ ھەردو یاریزان.
وێ رۆژنامێ دیارکری یە ژی ژبەر ئەو ئاستێ بلند یێ وەرزێ ئەڤ سالە یاریزانێ ھێلا بەرەڤانیێ پیپێ پێشکێشکری زێدان یانا ئاگادار کری یە ھەڤبەستا وی بھێتە درێژکرن بۆ سالەکا دی کو ھەڤبەستا وی ئەڤ سالە دێ ب دووماھی ھێت و راھێنەرێ فەرەنسی دووماھی داخویانیا خوە دیارکر بوو ئیسکو نە بوو فروتنێ یە و ھەڤبەستا وی دێ ھێتە درێژکرن ل گەل یانا مەلەکی.
